Avstriya-2017: Poul Bottasındır

Avstriya-2017: Poul Bottasındır
Want create site? Find Free WordPress Themes and plugins.

A24.az F-1.az saytına istinadən bildirir ki, Şpilberqdəki trasın indiki konfiqurasiyasında son 10 yarışdan yalnız dördündə pouldan başlayan sürücü qalib gəlib. Avstriya Qran Prisi yenidən təqvimə qayıtdıqdan sonra bu hal yalnız bir dəfə baş verib – Həmilton keçən il ilk sıradan start aldığı yarışı qələbə ilə başa vurub.

Fettel Avstriyaya çempionatın lideri kimi gəlib. Həmiltonun isə yarışa ilk yerdən başlamayacağı dünəndən dəqiq idi – britaniyalı ötürmələr qutusu dəyişdirildiyi üçün yer itirməklə cəzalandırılmışdı. Maraqlıdır ki, keçən il burada startda yer itirən sürücülər Lyuisin əsas rəqibləri Fettel və Rosberq olmuşdular.

Cümə günü baş tutan sərbəst yürüşlərdə Lyuis hamıdan sürətli olmuşdu, lakin bu gün baş tutan məşqlərdə Fettel protokollara başçılıq etmişdi. Tras qısa olduğundan, nəticələr də çox sıx olmuşdu.

Pirelli Avstriyaya ən yumşaq üçlüyü gətirib. İtalyan təchizatçı cari mövsümdə artıq beşinci dəfədir ki, Soft, SuperSoft və UltraSoft tərkiblərə üstünlük verir.

Birinci sessiyada yalnız Fettel, Rəykkönen və Bottas SuperSoft tərkiblərlə boksu tərk ediblər, digər sürücülər isə UltraSoft-larla başlayıblar. Təkərləri qızdırmaq üçün ardıcıl dövrələr vurmaq lazım gəlib. Həmilton ilk cəhdində 1:05.064-lük nəticə göstərib və bu dövrə sessiyada sona qədər ən sürətli olub. Rəykkönenin nəticəsi Lyuisə yaxın olsa da, yerdə qalanlar ona azı yarım saniyə uduzublar. Williams-ın hər iki sürücüsü növbəti sessiyaya yüksələ bilməyib. Mübarizəni dayandıran digər sürücülər isə Palmer, Eriksson və Verlyayn olublar.

İkinci sessiyaya Həmilton SuperSoft-la başlayıb. Sürücü bu addımı yarışda fərqli strategiya seçmək üçün atıb. Lyuis 65 saniyənin altına düşən ilk sürücü olub, lakin UltraSoft-la dövrə vuran Bottas onun nəticəsini dərhal 0.2 saniyə yaxşılaşdırıb – 1:04.640. Rəykkönen və Ferstappen ikinci cəhdlərindən imtina ediblər. Bottas isə nəticəsini daha da yaxşılaşdıraraq protokollara başçılıq edib – 1:04.316. Hülkenberq, Alonso, Vandorn, Kvyat və ikinci sessiyada boksdan çıxmayan Maqnussen üçün sıralanma turu başa çatıb.

Son sessiyada Bottas elə ilk cəhdindəcə trasın yeni rekordunu müəyyənləşdirib və protokollara başçılıq edib – 1:04.251! Həmilton Fetteldən də geri qalaraq üçüncü olub. İkinci cəhdinə yollanan britaniyalı ilk döngədə səhvə yol verib və ən sürətli dövrəni vurmaq şansını qaçırıb. Bir qədər sonra isə Qrojanın trasda dayanmasına görə sarı bayraqlar dalğalanıb. Heç bir sürücü nəticəsini yaxşılaşdıra bilməyib. Ferstappen isə yeddinci döngədə çınqıllığa çıxıb.

Beləliklə, Valtteri Bottas karyerasında ikinci poulunu qazanıb. Ona cəmi 0.042 saniyə uduzan Fettel ikinci olub. Sıralanma turunu üçüncü yerdə başa vuran Həmilton sabah yarışa 8-ci yerdən başlamalıdır. İkinci cərgədən isə Rəykkönen və Rikkardo start alacaqlar. Sonda isə italyan aparıcı Davide Valsekkinin xahişinə baxmayaraq, Fettel və Həmilton bir-birinin əlini sıxmayıblar…

Sabah Bakı vaxtı ilə 16:00-dan etibarən bizi qələbə uğrunda gərgin mübarizə gözləyəcək.

Yer N Sürücü Komanda 1-ci sessiya 2-ci sessiya 3-cü sessiya
Yer Zaman Dövrə Yer Zaman Dövrə Zaman Dövrə
1 77 Valtteri Bottas Mercedes AMG 5 1:05.760 5 1 1:04.316 7 1:04.251 6
2 5 Sebastyan Fettel Ferrari 3 1:05.585 6 2 1:04.772 6 1:04.293 5
3 44 Lyuis Həmilton Mercedes AMG 1 1:05.064 5 3 1:04.800 5 1:04.424 7
4 7 Kimi Rəykkönen Ferrari 2 1:05.148 9 5 1:05.004 3 1:04.779 5
5 3 Daniel Rikkardo Red Bull 7 1:05.854 5 6 1:05.161 8 1:04.896 9
6 33 Maks Ferstappen Red Bull 6 1:05.779 5 4 1:04.948 3 1:04.983 8
7 8 Roman Qrojan Haas 8 1:05.902 12 7 1:05.319 11 1:05.480 7
8 11 Serxio Peres Force İndia 9 1:05.975 6 8 1:05.435 8 1:05.605 7
9 31 Esteban Okon Force İndia 11 1:06.033 8 10 1:05.550 7 1:05.674 7
10 55 Karlos Sayns Toro Rosso 4 1:05.675 12 9 1:05.544 6 1:05.726 5
11 27 Niko Hülkenberq Renault 14 1:06.174 10 11 1:05.597 6
12 14 Fernando Alonso McLaren 13 1:06.158 8 12 1:05.602 6
13 2 Stoffel Vandorn McLaren 15 1:06.316 8 13 1:05.741 6
14 26 Daniil Kvyat Toro Rosso 10 1:05.990 10 14 1:05.884 6
15 20 Kevin Maqnussen Haas 12 1:06.143 6 15
16 30 Colion Palmer Renault 16 1:06.345 10
17 19 Felipe Massa Williams 17 1:06.534 8
18 18 Ləns Stroll Williams 18 1:06.608 11
19 9 Markus Eriksson Sauber 19 1:06.857 12
10 94 Paskal Verlyayn Sauber 20 1:07.011 11
Did you find apk for android? You can find new Free Android Games and apps.
 
Formula1, İdman
a24.az
a24.az

Müzakirə

a24.az
a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar