Azərbaycanda ömürlük azadlıqdan məhrum olunanların sayı bilindi

Azərbaycanda ömürlük azadlıqdan məhrum olunanların sayı bilindi
Want create site? Find Free WordPress Themes and plugins.

Azərbaycanda ömürlük azadlıqdan məhrum olunanların sayı məlum olub.

A24.az Trend-ə istinadən xəbər verir ki, 2016-cı ildə Azərbaycanda 10 nəfər ömürlük azadlıqdan məhrum edilib.

2015-ci ildə bu rəqəm 4, 2014-cü ildə 13, 2013-cü ildə isə 15 nəfər olub.

2016-cı ildə müəyyən müddətə azadlıqdan məhrum olunanların sayı 7908 nəfər olub. 2015-ci ildə isə müəyyən müddətə azadlıqdan məhrum olunanların sayı 7826, 2014-cü ildə 7347 nəfər olub.

Qeyd edək ki, Cinayət Məcəlləsinə əsasən, ömürlük azadlıqdan məhrum etmə yalnız sülh və insanlıq əleyhinə, müharibə cinayətləri ilə əlaqədar, şəxsiyyət, ictimai təhlükəsizlik və ictimai qayda və dövlət hakimiyyəti əleyhinə törədilmiş xüsusilə ağır cinayətlərə görə müəyyən edilir.

Ömürlük azadlıqdan məhrum etmə qadınlara, cinayət törədərkən on səkkiz yaşı tamam olmamış şəxslərə, habelə hökm çıxarılanadək altmış beş yaşına çatmış kişilərə təyin edilmir.
Məhkəmə, ömürlük azadlıqdan məhrum etmə növündə cəza çəkən məhkumun azadlıqdan məhrum etmənin ən azı iyirmi beş ilini, həqiqətən, çəkdiyini, həmçinin onun bu cəzanı çəkdiyi müddətdə qəsdən cinayət törətmədiyini nəzərə alaraq və məhkumun həmin cəzanı çəkməsinə daha lüzum olmadığı qənaətinə gələrsə, ömürlük azadlıqdan məhrum etmə cəza növünü müəyyən müddətə azadlıqdan məhrum etmə ilə əvəz edə və ya onu bu cəzadan şərti olaraq vaxtından əvvəl azad edə bilər.

Did you find apk for android? You can find new Free Android Games and apps.
 
Kriminal
a24.az
a24.az

Müzakirə

a24.az
a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar