A24 Xeber

Bakı metrosunda həyəcanlı anlar: Kişi özünü qatarın altına atdı

Bakı metrosunda həyəcanlı anlar: Kişi özünü qatarın altına atdı
930 oxunma
21 Avqust 2018 - 13:27

Bu gün “Bakı Metropoliteni” QSC-nin “Nizami” stansiyasında sərnişinlərdən biri özünü qatarın altına atıb. 

Bu barədə qurumun məbuat xidmətinin rəhbəri Bəxtiyar Məmmədov məlumat verib.

Onun sözlərinə görə, hadisə saat 11:40 radələrində baş verib.

“Bu, 1968-ci il təvəllüdlü Ağdaş rayon sakini Tərlan Yusifovdir. O, özünü qatarın altına atsa da, xoşbəxtlikdən relslərin arasına düşüb. Dərhal relslər yüksək gərginlikli elektrik enerjisi xəttindən ayrılıb. Hadisə yerinə Təcili Tibbi Yardım xidmətinin və polis əməkdaşları çağırılıb. Həkimlər sərnişinin xəsarət almadığını bildirib”, – deyə o, qeyd edib.

B.Məmmədovun sözlərinə görə, intihara cəhd edən şəxs içkili olub. Bununla belə, faktla bağlı araşdırma aparılır.

A24.Az

ÇOX BAXILAN FOTOLAR