Bakıda adlarını dəyişərək dələduzluq edən şəxslər tutuldu

Bakıda adlarını dəyişərək dələduzluq edən şəxslər tutuldu
Want create site? Find Free WordPress Themes and plugins.

Bakıda adlarını dəyişərək vətəndaşları dələduzluq yolu ilə aldadan şəxslər tutulublar. 

Bu barədə Daxili İşlər Nazirliyindən məlumat verilib.

Belə ki, Bakı şəhər sakini Çərkəz Həsənov Polis Şöbəsinə müraciət edərək bir müddət əvvəl Lökbatan qəsəbəsində yerləşən ticarət mərkəzlərindən birində Nizami və Fərid adlı şəxslərlə tanış olduğunu və həmin şəxslər tərəfindən 2400 ABŞ dollarının mənimsənildiyi barədə məlumat verib.

Nərimanov rayon Polis idarəsi 18-ci polis şöbəsi əməkdaşlarının keçirdikləri əməliyyat nəticəsində qeyd edilən cinayəti törətməkdə şübhəli bilinən əvvəllər məhkum olunmuşlar – Cəlilabad rayon sakini Taleh Həşimov və Biləsuvar rayon sakini Röyal Həsənov saxlanılıblar.

Araşdırma zamanı həmin şəxslərin zərərçəkəni Rusiya Federasiyasına geyim əşyaları göndərməkdə ona köməklik göstərəcəkləri adı altında aldadaraq metronun Nərimanov stansiyasının yaxınlığında qeyd edilən miqdarda pulu dələduzluq yolu ilə əldə etdikləri məlum olub. T.Həşimov və R.Həsənovun verdiklərə vədə əməl etmədiyini görəndən sonra zərərçəkən bu barədə polisi məlumatlandırıb.

Saxlanılan şəxslər ifadələrində daha iki nəfəri eyni üsulla aldadaraq pullarını ələ keçirdiklərini bildiriblər. Qeyd edək ki, T.Həşimov özünü zərərçəkənlərə Nizami, R.Həsənov isə Fərid kimi təqdim edib.

Faktlarla bağlı 18-ci polis şöbəsində toplanan material araşdırılması üçün Nərimanov rayon Polis idarəsinin İstintaq şöbəsinə göndərilib. T.Həşimov və R.Həsənovun əməllərindən zərərçəkən və hələ də polisə məlumat verməyən başqa şəxslər varsa bu barədə Daxili işlər Nazirliyinin “102” Zəng Mərkəzinə, Nərimanov rayon Polis idarəsinə və ya 18-ci polis şöbəsinə müraciət edə bilərlər.

A24.Az

Did you find apk for android? You can find new Free Android Games and apps.

Foto Qalereya:

 
Gündəm
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar