Bakının bu qəsəbəsi köçürülür - AÇIQLAMA 

Bakının bu qəsəbəsi  köçürülür – AÇIQLAMA 
Want create site? Find Free WordPress Themes and plugins.

Nizami rayonu Keşlə qəsəbəsində “Şanxay” adlanan ərazidəki evlər söküləcək.

A24.Az xəbər verir ki, bu barədə qəsəbə sakinləri məlumat verib.

Keşlə qəsəbəsinin icra nümayəndəsi  Qara Qarakişiyev Publika.az-a açıqlamasında əraziyə sadəcə baxış keçirildiyini deyib:

“Həmin ərazi “Azərbaycan Dəmir Yolları”QSC-nin təhlükəsizlik idarəsinin balansındadır: “Söküntü və köçürmə işlərini də onlar həyata keçirirlər. Dəmir Yollarında İcra Hakimiyyətinə ərazidə baxış keçiriləcəyilə bağlı məlumat daxil olub. Bizdə olan məlumata görə, hazırda Dəmir Yolları əməkdaşları əraziyə baxış keçirir. Lakin söküntü işləri və ya köçürmə ilə bağlı bizə hər hansı məlumat daxil olmayıb. Söküntü işləri aparılacaqsa, bu barədə Nazirlər Kabinetinin müvafiq qərarı olmalıdır”.

“Azərbaycan Dəmir Yolları” QSC-nin İctimaiyyətlə Əlaqələr Şöbəsinin rəisi Sevinc Qədirova isə  bildirib ki, artıq Nizami rayonu Keşlə qəsəbəsində “Şanxay” adlanan ərazidəki evlərdə yaşayanların köçürülməsi ilə bağlı işlərə başlanılıb.

Onun sözlərinə görə, bu günə qədər 55 ev inventarlaşdırılıb: “İlk mərhələdə reyslərə yaxın tikilən evlər inventarlaşdırılıb. Hazırda da işlər davam etdirilir, digər evlərlə bağlı da anoloji addım atılacaq. Proses Maliyyə Nazirliyinin nəzarəti altında davam etdirilir”.

Köçürüləcək evlərə veriləcək kompensasiyanın məbləğinə gəldikdə, S.Qədirova bu suala cavab verə bilməyəcəyini dedi:

“Biz maliyyə məsələlərinə nəzarət etmirik. Sadəcə köçürülməsinə ehtiyac olan evlərlə bağlı Nazirlər Kabinetinə siyahı təqdim etmişik. Köçüləcək evlərə ediləcək ödənişlərlə bağlı Nazirlər Kabineti və ya Maliyyə Nazirliyi məlumat verə bilər”.

Qeyd edək ki, Keşlə qəsəbəsində “Şanxay” adlanan ərazinin dəmir yolunun yaxınlığında yerləşməsi sakinlərin həyatı üçün təhlükə mənbəyidir. İllərdir ərazidə sakinlərin köçürüləcəyi gündəmə gəlsə də, konkret addımlar atılmayıb.

 

A24.Az

Did you find apk for android? You can find new Free Android Games and apps.
 
Manşet, Gündəm
a24.az
a24.az

Müzakirə

a24.az
a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar