Beş mindən çox vətəndaşın “sosial mənzil” əldə etmək hüququ təsdiqlənib

Beş mindən çox vətəndaşın “sosial mənzil” əldə etmək hüququ təsdiqlənib
Want create site? Find Free WordPress Themes and plugins.

“Ötən müddət ərzində “Elektron hökumət” portalında yaradılmış “Güzəştli mənzil” sistemi vasitəsilə 5797 müraciət qəbul olunaraq qeydiyyata alınıb”.

MİDA-nın İctimaiyyətlə əlaqələr sektorundan a24.az-a verilən məlumata görə, bu barədə 2017-ci ilin birinci yarısında görülən işlərin nəticələri ilə bağlı MİDA-da keçirilən hesabat iclasında qurumun direktoru Samir Nuriyev bildirib.

Onun sözlərinə görə, müvafiq kateqoriyalara aid olan 5376 vətəndaşın mənzil əldə etmək hüququ təsdiqlənərək həmin şəxslər üçün elektron kabinetin yaradılması təmin edilib.

“Vətəndaşların rahatlığı üçün, “Güzəştli mənzil” elektron sistemindən istifadə ilə bağlı sualları cavablandırmaq, habelə müraciəti qeydiyyata alaraq elektron kabinetin yaradılmasında köməklik göstərmək məqsədilə müraciətlərin elektron qaydada qəbulu ilə yanaşı müvafiq “ASAN xidmət” mərkəzləri vasitəsilə də qəbul olunması təşkil olunub”, – deyə S. Nuriyev bildirib.

2017-ci ilin mayın 30-dan etibarən “Elektron hökumət” portalında “Güzəştli mənzil” elektron sistemi istifadəyə verilərək vətəndaşların müraciətlərinin qəbulu prosesinə start verilib. “Güzəştli mənzil” elektron sistemi MİDA-nın sərəncamında olan mənzilləri güzəştlə əldə etmək hüququna malik vətəndaşların müraciətlərinin real vaxt rejimində, vahid və ictimaiyyət üçün açıq olan qeydiyyatının aparılmasını təmin edir.

Did you find apk for android? You can find new Free Android Games and apps.
 
Son Dəqiqə, İqtisadiyyat
a24.az
a24.az

Müzakirə

a24.az
a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar