BMT-nin yeni baş katibi vəzifəsinin icrasına başlayıb

BMT-nin yeni baş katibi Antonio Quterreş vəzifəsinin icrasına  başlayıb.

Bu barədə BMT-nin Azərbaycandakı nümayəndəliyindən bildirilib.

BMT-nin sayca doqquzuncu  baş katibi olan A. Qutterşin işində insan ləyaqətini əsas prioritet sayacağı, sülh tərəfdarı, o cümlədən, yenilik və islahatların təşviqçisi olacağı açıqlanıb.

A. Quttereş baş katib seçilməzdən əvvəl 10 il ərzində BMT-nin Qaçqınlar üzrə Ali Komissarlığına rəhbərlik edib. BMT QAK-a qoşulmazdan əvvəl, A. Quterreş hökumət və dövlət qulluğunda 20 ildən çox çalışıb. O, 1991-ci ildən Portuqal Dövlət Şurasının üzvü, 1995-ci ildən 2002-ci ilədək Portuqaliyanın baş naziri olub.

1976-cı ildə Portuqaliya parlamentinin üzvü seçilib və 17 il üzv kimi xidmət göstərib.

A.Quterreş 1949-cu ildə Lissabonda anadan olub. Mühəndislik dərəcəsi olan  A.Quterreş ingilis, fransız və ispan dillərini mükəmməl bilir. /apa

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

DİGƏR XƏBƏRLƏR