“Dağlıq Qarabağ Respublikası”nın “müstəqil dövlət” kimi tanınmasının qarşısı alınıb

“Dağlıq Qarabağ Respublikası”nın “müstəqil dövlət” kimi tanınmasının qarşısı alınıb
Want create site? Find Free WordPress Themes and plugins.

ABŞ-ın Havay Ştat Senatı erməni lobbisinin təhriki ilə gündəliyə gətirilən anti-Azərbaycan xarakterli iki qətnaməni rədd edib.

“A24.az” xəbər verir ki, Azərbaycanın Los Ancelesdəki Baş Konsulluğundan APA-ya verilən məlumata görə, 2016-cı ilin 10 mart tarixində Ştat Senatında irəli sürülmüş bu qətnamələr qəbul olunacağı təqdirdə, ştat Azərbaycanın işğal olunmuş ərazilərində qurulmuş qondarma “DQR”i “müstəqil dövlət” kimi tanıyacaq, onun “müstəqilliyinin güclənməsi” üçün ABŞ-ın Federal Hökumətinə və ABŞ Konqresinə çağırış edəcəkdi.

Azərbaycanın Los Ancelesdəki Baş Konsulluğu bu barədə məlumat əldə etdikdən dərhal sonra Havay Senatının rəhbərliyi, qətnamələrin müəllifləri və digər senatorlar ilə əlaqə saxlamış, bütün qanunvericilərə rəsmi məktublar ünvanlayıb, Ermənistanın Azərbaycan torpaqlarını işğalı, həmçinin, BMT və digər nüfuzlu beynəlxalq təşkilatların Azərbaycanın ərazi bütövlüyü ilə bağlı aydın mövqeyi barədə onları məlumatlandırıb.

Bunun nəticəsində, Ştat Senatının rəhbərliyi 11 mart tarixində rəsmi bəyanat verərək, Azərbaycanın ərazi bütövlüyünə açıq dəstək ifadə edib və Havay Ştat Senatının bu qətnamələri qəbul etməyəcəyini diqqətə çatdırıb.

Rəsmi bəyanatın verilməsindən sonra, Azərbaycanın Los Ancelesdəki baş konsulu Nəsimi Ağayev Havay Ştat Senatının rəhbərliyi ilə yenidən əlaqə saxlayaraq, belə prinsipiallığa və ədalətli mövqeyə görə onlara təşəkkür edib.

46b594a528e9feb466202d8d1a26e838

Did you find apk for android? You can find new Free Android Games and apps.
 
Kriminal
a24.az
a24.az

Müzakirə

a24.az
a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar