Ərdoğandan sərt QÜDS BƏYANATI: "Tramp, sən nə etmək istəyirsən?"-VİDEO

Ərdoğandan sərt QÜDS BƏYANATI: “Tramp, sən nə etmək istəyirsən?”-VİDEO
Want create site? Find Free WordPress Themes and plugins.

Türkiyə prezindenti Rəcəb Tayyib Ərdoğan Yunanıstana getmədən öncə, Əsənboğa hava limanında vətəndaşların qarşısına çıxıb. O, ABŞ-ı Qütsü paytaxt kimi tanımasına sərt reaksiya verib. “Qüdsü İsrailin paytaxtı kimi tanımaq bu bölgəni atəşin içinə atmaqdır”. 

A24.az Türkiyə KİV-inə istinadən xəbər verir ki, bunu ölkə prezidenti Rəcəb Tayyib Ərdoğan söyləyib.

“Qüds müsəlmanların, xristianların və qismən də musəvilərin ibadətgahı kimi qəbul edilib. Məscid-i Aksa müsəlmanların ilk qibləsidir. Belə bir addım bu bölgəni atəş içinə atmaqdır. Ey Tramp, sən nə etmək istəyirsən?” – Türkiyə prezidenti Yunanıstan səfəri öncəsi Esenboğa hava limanında bildirib.

Türkiyə lideri ABŞ prezidentinin Qüds bəyanatı ilə BMT Təhlükəsizlik Şurasının 1980-ci il tarixli qətnaməsini heçə saydığını vurğulayıb: “ABŞ və İsraildən başqa, dünyanın heç bir ölkəsi BMT Təhlükəsizlik Şurasının 1980-ci il tarixli qətnaməsindən kənar addım atmayıb. İndi isə bunu yenidən gündəmə gətirməklə Trampın nə etmək istədiyini anlamaq mümkün deyil. Nə etmək istəyirsiniz? Siyasi liderlər qarışıqlıq yaratmaq üçün deyil, barışdırmaq üçün lazımdır”.

Ərdoğan Roma Papası Fransisklə mövzunu müzakirə edəcəyini bildirib.

Qeyd edək ki, Tramp dekabrın 6-da verdiyi bəyanatında Qüdsü İsrailin paytaxtı kimi tanıdığını ifadə edib.

Pərvin Abgül//A24.az

Did you find apk for android? You can find new Free Android Games and apps.
 
Gündəm, Dünya, Siyasət
a24.az
a24.az

Müzakirə

a24.az
a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar