Lənkəranda su quyusundan meyiti tapılan körpə ilə bağlı daha bir tükürpədici fakt: Bədənindən tikiş iynəsi çıxdı

Lənkəranda su quyusundan meyiti tapılan körpə ilə bağlı daha bir tükürpədici fakt: Bədənindən tikiş iynəsi çıxdı
Want create site? Find Free WordPress Themes and plugins.

Lənkəranda meyiti quyudan tapılan 6 günlük körpənin öldürüldüyü ilə bağlı daha bir versiya üzə çıxıb.

A24.Az “Report”a istinadla xəbər verir ki, Məhkəmə Tibbi Ekspertiza və Pataloji Anatomiya Birliyinin Lənkəran Rayon Şöbəsində aparılan ekspertiza zamanı ölən körpənin bədənində qıyıq (iri iynə, yorğan iynəsi) və sancaq dəlikləri müşahidə olunub. Körpənin bədənində, döş qəfəsinin sol nahiyəsində daxilə nüfuz edən tikiş iynəsi aşkar edilərək çıxarılıb. Bu barədə Darquba kənd sakinlərindən adının açıqlanmasını istəməyən şəxs “Report”a bildirib. Fakt polis əməkdaşları tərəfindən də təkzib olunmayıb.

Hazırda hüquq-mühafizə orqanları bir neçə versiya üzrə araşdırmaları davam etdirir.

Bu ailədə əvvəllər də anormal hadisələr baş verib, körpənin atası Nurullayev Şaiq Muxtar oğlunun gözünə hansısa məxluqlar görünüb. Onun psixi durumunun tam yerində olmadığı bildirilir.

Qeyd edək ki, tükürpədən hadisə 29 iyul tarixində Lənkəran rayonunun Darquba kəndində Nurullayevlər ailəsində baş verib. 6 günlük körpənin anası Valiyə Nurullayeva səhər vaxtı yuxudan ayılanda körpəsinin beşikdə olmadığını görüb. Həyat yoldaşı Şaiq Muxtarov körpənin oğurlanması ilə bağlı polis şöbəsinə məlumat verib. Uşağın yoxa çıxdığı müddətdə evdə ata-anadan başqa gəlini ilə bir otaqda yatan nənə Arifə Nurullayeva və uşağın şənlik məclisi üçün Bakıdan gələn daha bir neçə yaxın qohum olub. Hadisə yerinin müayinəsi zamanı ölmüş körpənin meyiti həyətdəki üstü bağlı 5 metrlik quyuda aşkar edilib.

Did you find apk for android? You can find new Free Android Games and apps.
 
Son Dəqiqə, Kriminal
a24.az
a24.az

Müzakirə

a24.az
a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar