Leyla Əliyevanın bu görüntüləri rekord qırır - FOTOLAR

Leyla Əliyevanın bu görüntüləri rekord qırır – FOTOLAR
Want create site? Find Free WordPress Themes and plugins.

Beynəlxalq Musiqi Festivalının ikinci günü Sofiya Rotarunun yubileyinə həsr olunub

A24.Az xəbər verir ki, iyulun 28-də “Sea Breeze” istirahət mərkəzində “Jara-2017” Beynəlxalq Musiqi Festivalının ikinci gününün konserti start götürüb. Konsertdən əvvəl müğənnilər qırmızı xalı üzərindən keçərək jurnalistlərin suallarını cavablandırıb, festivalın ilk günü ilə bağlı təəssüratlarını bölüşüblər.

Festivalın ikinci günü SSRİ Xalq Artisti Sofiya Rotarunun yubileyinə həsr olunması “Jara”nın hərarətini daha da artırıb. Səhnəyə çıxan müğənni tamaşaçıları Azərbaycan dilində salamlayıb və çox məşhur “Çervona ruta” mahnısını oxuyub.

O, yubiley gecəsinin Bakıda, bu qonaqpərvər şəhərdə keçirilməsindən çox məmnun olduğunu bildirərək deyib ki, artıq səhnəyə çıxmasının 45 ili tamam olur. Yaşına gəldikdə isə, tamaşaçı alqışı ona yeni ruh verir.

Daha sonra Sofiya Rotaru bacısı Aureliya ilə birlikdə “Melankoliye” mahnısını səsləndirib.

Polad Bülbüloğlu tamaşaçıları “Qorod moy Baku” mahnısı ilə salamlayaraq Sofiya Rotaruya yubileyi münasibətilə təbriklərini çatdırıb. O, festivalın müxtəlif xalqları bir araya gətirdiyini, musiqinin sərhəd tanımadığını vurğulayaraq, “Gəl, ey səhər” mahnısını ifa edib.

Sonra səhnəyə çıxan Qlyukoza Sofiya Rotarunun “Luna, luna” mahnısını oxuyub. Qonaqlar arasında Heydər Əliyev Fondunun vitse-prezidenti, Rusiyadakı Azərbaycanlı Gənclər Təşkilatının (AMOR) sədri, Azərbaycan Respublikasının Prezidenti İlham Əliyevin böyük qızı Leyla Əliyeva da olub.

baku.ws

Did you find apk for android? You can find new Free Android Games and apps.
 
Son Dəqiqə, Foto xəbər
a24.az
a24.az

Müzakirə

a24.az
a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar