"Müğənni təzminat ödəyəcək, efirdə üzr istəyəcək" - məhkəmə qərarı

“Müğənni təzminat ödəyəcək, efirdə üzr istəyəcək” – məhkəmə qərarı
Want create site? Find Free WordPress Themes and plugins.

Müğənni Nazəninin həyat yoldaşı Məhəbbət Həsənovun Təranə Qumrala qarşı şikayəti üzrə məhkəmə prosesi başa çatıb.

“A24.az” bildirir ki, Axşam.az-ın məlumatına görə, məhkəmə Təranə Qumralı şikayətçilərin şərəf və ləyaqətini təhqir etməkdə, böhtan atmaqda və onların işgüzar nüfuzuna xələl gətirməkdə təqsirli bilib.

Vəkili Adəm Məmmədov əməkdaşımızla söhbətində bildirib ki, qərara görə, T.Qumral qarşı tərəfə 3 min manat təzminat ödəməli, həmçinin efirdə onlardan üzr istəməlidir:

“O, qərardan narazı qalıb və Apellyasiya Məhkəməsinə, daha sonra Ali Məhkəməyə müraciət edib. Lakin, qərar yenə dəyişməyib.

Qərarın icrasını yerinə yetirmək Təranə Qumralın qeydiyyatda olduğu Nərimanov Rayon İcra şöbəsinə tapşırılıb.

Əgər məhkəmənin qərarı yerinə yetirilməzsə, Təranə Qumral inzibati məsuliyyətə, həm də cinayət məsuliyyətinə cəlb olunacaq. İnzibati məsuliyyətə cəlb olunsa 500 manatdan 1000 manata qədər cərimə olunacaq. Bir aya qədər də inzibati həbs oluna bilər. Əgər həbsdən sonra da cəriməni ödəməsə və üzr istəməsə icra məmurları tərəfindən istintaq idarəsinə təqdimat veriləcək. Belə olan halda müğənnini Azərbaycan Respublikasının Cinayət Məcəlləsinin 306-cı maddəsi ilə 5 il həbs gözləyir”.

Qeyd edək ki, T.Qumral Nazəninin həyat yoldaşının fotosunu sosial şəbəkədə paylaşaraq bu sözləri yazmışdı:

“Mən hər zaman dəyərliyəm, qürurluyam, sevilirəm və seçilirəm. Nə edə bilərəm ki, yanındakı üçün sənin dəyərin yoxdur. Özünü alçaltdıqca alçalırsan. Yanındakının gözünü mənə baxanda qamaşdıra bilirəmsə, deməli, sən pas atmısan, ay yazıq! Sənə gülürəm. Sən yandıqca həzz alıram. Səni yandıra bilmişəmsə, çox xoşbəxtəm. Atalar gözəl deyib, özgə atına minən tez düşər”.

Did you find apk for android? You can find new Free Android Games and apps.

 
Son Dəqiqə, Şou-biznes
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar