Nəyə görə Ukraynaya getməlisiniz?

Nəyə görə Ukraynaya getməlisiniz?
Want create site? Find Free WordPress Themes and plugins.

Ukraynanın səyahət üçün həm ideal həm də ucuz olduğunu bilirdiniz? Təbiət mənzərələri, tarixi və modern  yerləri, gözəl şəhərləri var. Əgər bu dediklərimizlə hələ də sizi yola gətirə bilmiriksə, o zaman ekran başına və diqqətiniz bizdə olsun.

Nəyə görə Ukraynaya getməlisiniz?

Ukrayna Azərbaycan vətəndaşlarından 90 günə qədər viza tələb etmir. Bakıdan birbaşa Ukraynaya həm təyyarə həm də qatarla getməyiniz mümkündür. Gediş haqqı tarifləri isə digər ölkələrə nisbətdə sərfəlidir. Sadəcə internetdə bir qədər axtarış etməyiniz, ən sərfəli üsulu seçməyiniz və uçuş tarixidən xeyli əvvəl bilet almağınız lazım gələcək.

viasales.ru

enuygun.com

ucuzabilet.com

Ukraynada digər ölkələrə nisbətdə daha münasib qiymətlərə otel tapmağınız mümkündür. Nəzərə alsaq ki, bir ölkəyə gediş-dönüş bileti və yerləşmə səyahətin əsas hissəsidir o zaman otel axtarışı üçün də bir qədər baş sındırmalı olacaqsınız.  Köməkçi vasitələriniz isə bunlar ola bilər:

Booking.com

enuygun.com

tatil.com

bavul.com

Səyahətin türklərin təbirincə desək olmazsa-olmazı qidalanma… Ukraynanın istənilən şəhəri və səmtində həm dünya həm də yerli mətbəxi təklif edən münasib restoranlara rast gələcəksiniz. Digər bir məsələ qadınların alış-veriş sevgisi ilə bağlıdır. Belə ki, istər paytaxt Kiyev istərsə də Ukraynanın digər şəhərlərində brend geyimləri nisbətən ucuz qiymətə ala bilərsiniz.

Ukraynada haraları gəzə bilərsiniz?

Kiyev

Mütləq Kiyevdə ağac kəsmənin qadağan olduğunu vurğulamalıyıq. Çünki bu cür qadağa yamyaşıl təbiət, təmiz hava deməkdir. Kiyev təkcə təmiz havası ilə deyil həm də istirahət parkları, maraqlı memarlıq nümunələri ilə xoşunuza gələcək. Azadlıq meydanı, Müqəddəs Sofya kilsəsi, şəhərin giriş qapısı olaraq inşa edilən “Qızıl qapı”, Kiev muzeyi sizi təkrar bu ölkəyə gəlməyə sövq edəcək.

Kiyev

Lvov

Ukraynanın ən gözəl şəhəri də demək olar. UNESKO Dünya irsi  siyahısındadır bu şəhər… Rynok meydanı, Brewery muzeyi, Opera binası, Potoçki sarayı, qədim şəhər hissəsi mütləq görməniz gərəkən yerlər siyahısındadır. Ən önəmlisi şakoladının dadı dillər əzbəri olan şəhərdə qeyri-adi kafelərə mütləq baş çəkin.

Lvov

 

Lvovda kafe

Xarkov

Ukraynada tələbə şəhəri kimi sözün yaxşı mənasında ad çıxarıb. Dünyada ən tanınmış  azadlıq meydanlarından biri də bu şəhərdədir. Tarixi kilsə binalarını, Şevçenko parkını, Zooparkı mütləq gəzməlisiniz.

Xarkov

Sevgi tuneli

Evlənməyə hazırlaşan cütlüklərin fotosessiya üçün ən çox üz tutduğu yer. Ukraynanın Rivne rayonunun, Klevan qəsəbəsində yerləşir. Tuneldən keçən  dəmir yol xətti Klevan və Orjev qəsəbələrini birləşdirir.Tunel meşə bitkiləri ilə əhatə olunub və tam bir botanika fenomenidir. Turistlər arasında söylənilən əfsanəyə görə əgər sevgililər bu tuneldən birgə keçərək ürəklərində arzu tutarsalarsa, arzuları mütləq həyata keçəcək. Hətta tuneldə gül-çiçək əkərək hissələrini bu şəkildə ifadə edənlər və burada iz qoymaq istəyən gənclər də var.

Sevgi tuneli

Odessa

Osmanlı izlərinin olduğu şəhər… İmperiya dövründə şəhər Hacı bəy adını daşıyıb. Daha sonra Odessa olaraq dəyişdirilib. Lakin Odessada hələ də xeyli türk yaşayır. Gəziləcək yerlərinə gəlincə, Dövlət opera binası, Puşkin muzeyi, Petomkin pilləkənləri, Deribasovskaya prospekti gəzib-görə biləcəyiniz yerlərdəndir.

Odessa

Truskavets kurort şəhəri

Şəhərdə həm yaxşıca istirahət etməyiniz həm də sanatoriyalarında müalicə almağınız mümkündür. Beyin yorğunluğundan yaxa qurtarmaq üçün ideal yerdir.

Truskavets

Lutsk

Volin əyalətinin mərkəzidir. Styr çayının üzərində yerləşir. Ukrayna ənənələri ilə, Avropa modernliyinin vəhdətini təşkil edir bu şəhər…Lubrant qalası, Kitab muzeyi, Lutheran kilsəsi, Heykəl evi, Lutsk incəsənət və Çan muzeylərini görməyiniz məsləhətdir.

Lutsk

 

Nərmin Kərim, A24.Az

Did you find apk for android? You can find new Free Android Games and apps.
 
Dünya, Maraqlı, Foto xəbər, Layihələr
a24.az
a24.az

Müzakirə

a24.az
a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar