Pedro Enrike “Qarabağ”dan gedir?

Pedro Enrike “Qarabağ”dan gedir?
Want create site? Find Free WordPress Themes and plugins.

“Qarabağ” klubu futbolçu Pedro Enrikenin qışda komandadan ayrılacağına dair xəbərlərə münasibət bildirib. 

A24.Az-ın xəbərinə görə, klubun meneceri Asif Əsgərov Report-a açıqlamasında 27 yaşlı yarımmüdafiəçi ilə mövsümün sonunadək müqavilələrinin olduğunu xatırladıb.

O, braziliyalı oyunçunun müqavilə üzrə məxsus olduğu Yunanıstan PAOK-una tezliklə qayıtmasının müzakirə mövzusu olmadığını vurğulayıb:

“Yunanıstan mətbuatında yazılanların hamısı boş söhbətlərdir”.

Enrike İspaniyada “Atletiko” ilə Çempionlar Liqasının qrup mərhələsinin IV tur matçında rəqib futbolçunun sifətinə açıq ayaqla zərbə endirdiyi üçün birbaşa qırmızı vərəqə alıb. “Qarabağ” rəsmisi hələlik cəza müddətinə dair UEFA-dan heç bir bildiriş almadıqlarını söyləyib. Bununla belə, cinah oyunçusunun İngiltərənin “Çelsi” komandası ilə noyabrın 22-də keçiriləcək V tur qarşılaşmasını buraxacağı dəqiqdir.

Qeyd edək ki, Yunanıstanın sport24.gr saytı “Qarabağ”ın Pedro Enrike ilə vidalaşmaq istədiyini və bu məqsədlə PAOK-a məktub göndərdiyini yazıb. Səbəb kimi braziliyalı legionerin ağır müqavilə şərtlərinin olduğu göstərilib. Ağdam klubunun avrokuboklarda çıxışını başa vurduqdan sonra ölkədaxili titul əldə etməkdə problem yaşamayacağı da diqqətə çatdırılıb.

Digər tərəfdən, oyunçunun özünün də Azərbaycan Premyer Liqasındakı rəqabətsizliyi bəyənmədiyi və özünün də artıq stimulunu itirdiyi bildirilir. “Sambaçı” ilə Rusiya klublarından birinin maraqlandığı deyilir.  Pedro Enrike “Qarabağ”ın heyətində 14 oyuna 3 qol vurub. Qollardan biri Çempionlar Liqasının II turunda Azərbaycan təmsilçisinin İtaliya “Roma”sına 1:2 hesabı ilə uduzduğu görüşə təsadüf edib.

Did you find apk for android? You can find new Free Android Games and apps.
 
İdman
a24.az
a24.az

Müzakirə

a24.az
a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar