A24 Xeber

1,4 milyard dollarlıq “Mardan Palace”ın işçiləri ayağa qalxdı

1,4 milyard dollarlıq “Mardan Palace”ın işçiləri ayağa qalxdı
62
31 May 2018 - 15:21

Dünyanın ən lüks oteli seçilən və 1,4 milyard dollara başa gələn Antalyadakı “Mardan Palace”ın işçiləri otelin qarşısında etiraz aksiyası keçirib.

“A24.az” türk mediasına istinadən xəbər verir ki, otelin iflasa uğramasından sonra işçilər 6 aylıq maaşlarını və təzminatlarını ala bilmirlər. Təxminən 1000 nəfər işçinin alacağı məbləğ isə 16 milyon TL-dir (5.920.000 manat).

Etiraz edən işçilərin adından açıqlama verən Ali Kalander  bildirib ki, 9 ildir oteldə servis müdiri işləyir. 2017-ci ilin 19 dekabr tarixindən otel iflas olub və bütün işçilərin işinə son verilib. Lakin həmin vaxta kimi oteldə işləyən işçilərin 6 aylıq maaşları və təzminatları hələ də ödənməyib.

Ali Kalander “lazımi yerlərə müraciət etdik, lakin heç bir nəticəsi olmadı. Heç kim bizimlə maraqlanmır. Təqribən 1000-ə yaxın işçi pis vəziyyətdə qalıb. Evini, avtomobilini satan yoldaşlarımızın yanında yemək pulu tapmayanlar belə var. Ona görə də dövlətimizin böyüklərindən haqlarımızın verilməsi üçün dəstək gözləyirik” deyə bildirib.

A24.az / MTM

SİZİN REKLAMINIZ BURADA

(336x280px)

ƏLAQƏ: +994 70 507 77 00