A24 Xeber

4 yaşlı uşaq təcavüzdə ittiham olundu

4 yaşlı uşaq təcavüzdə ittiham olundu
51
13 May 2018 - 15:25

Misir məhkəməsi təcavüzdə ittiham olunan 4 yaşlı bağça uşağına bəraət verib.

“A24.az” xəbər verir ki, bu barədə BBC məlumat yayıb. Hadiə ölkənin şimalında Buxeyra şəhərində yaşanıb.

Məlumata görə, 4 yaşlı oğlan uşağı özüylə eyni sinifdə olan 4 yaşlı qızı öpdüyü üçün əsəbləşən ata məhkəməyə müraciət edib.

Təqsirləndirilən Muhamməd Hamadın vəkili bildirib ki, qızı öpülmüş ata oğlan uşağının valideynləri ilə danışmadan birbaşa rəsmi şəkildə şikayət edib. Ondan sonra prokurorluq işə baxılması üçün məhkəməyə təqdim edib.

Məhkəmə isə hüquqi cəhətdən  düzgün olmadığı üçün işə baxmaqdan imtina edib. Lakin vəkil bundan sonra da hadisənin bağlanmadığını deyib. Şikayət Houş-İsa şəhərində Ali məhkəməyə verilib. Orda da 4 yaşlı uşaq günahsız elan edilib.

İş yerli polis bölməsinə kimi gedib çıxıb və ata 4 yaşlı oğlanın onun qızına təcavüz etdiyini polisə bildirib.

Məsələ ilə bağlı yerli media orqanları qeyd edir ki, iddiaçının 4 yaşlı oğlan uşağının nənəsi ilə ciddi anlaşılmazlıqları var, hansı ki, həmin qadın həmin məktəbdə işləyir.

A24.az

SİZİN REKLAMINIZ BURADA

(336x280px)

ƏLAQƏ: +994 70 507 77 00