A24 Xeber

ATV”, “Xəzər” və “ARB TV”dən ORTAQ qərar: “O şirkəti reklam etməyəcəklər”

ATV”, “Xəzər” və “ARB TV”dən ORTAQ qərar: “O şirkəti reklam etməyəcəklər”
94
20 Aprel 2018 - 16:38
Üç Azərbaycan telekanalı iki xarici brend reklamını dayandırıb.
A24.Az xəbər verir ki, “ATV”, “Xəzər TV” və “ARB TV” adından birgə açıqlama verilib.
Televiziya reklam bazarının strateji inkişafı, optimallaşdırılması, sabitləşdirilməsi və təkmilləşdirilməsi baxımından ATV, Xəzər və ARB telekanallarının birgə fəaliyyəti çərçivəsində əldə edilən növbəti ümumi razılığa əsasən, “Nestle” və “L’Oreal” brendlərinə daxil olan məhsulların reklamları 21 aprel tarixindən etibarən dayandırılır.
Birgə qərarın səbəbi – “ZenithOptimedia” reklam agentliyinin bu telekanallarının hər birində yayımlanmış reklamların ödənişini uzun müddət əsassız olaraq gecikdirməsidir. Məsələ öz həllini tapana qədər qeyd edilən məhsulların reklamları bu üç yayımçının tele- və radio kanallarında dayandırılır. Bildirmək istəyirik ki, “Nestle” və “L’Oreal” brendlərinin ölkə televiziyalarında reklamları “ZenithOptimedia” reklam agentliyi vasitəsi ilə yerləşdirilir.
Məsələni ATV və ARB Teleradio Şirkətlərinin Mərkəzləşdirilmiş Marketinq Departamentinin Direktoru İsmayıl Həsənov da təsdiqləyib.
SİZİN REKLAMINIZ BURADA

(336x280px)

ƏLAQƏ: +994 70 507 77 00