A24 Xeber

Avstraliyada ilk sərbəst yürüşlərdə Həmilton ən sürətli oldu

Avstraliyada ilk sərbəst yürüşlərdə Həmilton ən sürətli oldu
462
24 Mart 2017 - 8:25

A24.az bildirir ki, işıqforun yaşıl işığının yanması ilə demək olar ki, bütün sürücülər trasa yollanıblar. Esteban Okon əyləclərdəki problemlərə, Stoffel Vandorn isə maye sızıntısına görə boksda qalmalı olublar, lakin hər iki sürücü problemlər aradan qaldırıldıqdan sonra məşqlərə başlaya biliblər.

Red Bull-un sürücüləri isə sessiyanın əvvəlində ən yaxşı nəticə uğrunda Mercedes AMG sürücüləri ilə mübarizə apara biliblər. Ferrari isə daha sərt təkərlərlə yarış simulyasiyasına üstünlük verib. Sessiyanın ortasına doğru nəticələr keçənilki poul nəticəsinə yaxın olub.

Ciddi qəza baş verməsə də, Daniel Rikkardo, Valtteri Bottas, Roman Qrojan və Markus Eriksson xırda səhvlərə yol veriblər. Colion Palmer texniki problemlərə görə sessiyanı vaxtından əvvəl başa vurub. Protokollara komanda yoldaşını yarım saniyəlik fərqlə üstələyən Lyuis Həmilton başçılıq edib – 1:24.220.

Nahardan sonra məşqlər davam edəcək…

SİZİN REKLAMINIZ BURADA

(336x280px)

ƏLAQƏ: +994 70 507 77 00