A24 Xeber

Azərbaycan çempionu legionerlərdən imtina etdi

Azərbaycan çempionu legionerlərdən imtina etdi
25
28 İyul 2018 - 11:24

Futzal üzrə Azərbaycan Yüksək Liqasının qalibi “Araz” klubu legionerlərdən imtina edib.

A24.Az Report-a istinadən xəbər verir ki, buna səbəb Naxçıvan təmsilçisinin strategiyasını dəyişməsidir. Braziliyalılar – Eduardo Borges, Everton Kardoso və Thiaqo Telez Bolinya, eləcə də iranlı Reza Toloue ilə vidaşalan “Araz”, bundan sonra yerli oyunçulara güvənəcək.

Braziliyalı Joze Alesio da Silvanın baş məşqçisi olduğu 13 qat Azərbaycan çempionu bundan sonra gənc azərbaycanlı futzalçılara üstünlük verəcək.

Qeyd edək ki, Azərbaycanı Çempionlar Liqasında təmsil edəcək “Araz” əsas mərhələdə “Luçenec” (Slovakiya), E və F qruplarının qalibi ilə 8-ci qrupda mübarizə aparacaq. Bu mərhələnin oyunları 2 – 7 oktyabrda Slovakiyada keçiriləcək.

E qrupunda “Veles” (Makedoniya), “Valleta” (Malta), “Futsamba Naas” (İrlandiya) və “Kosmos Tallin” (Estoniya), F qrupunda “Hovocobo” (Hollandiya), “Reading Futsal Klub” (İngiltərə), “Vytis” (Litva), “Murata” (San Marino) komandaları qüvvəsini sınayacaq. İlkin mərhələnin matçları 28 avqust – 2 sentyabrda baş tutacaq.

A24.Az

SİZİN REKLAMINIZ BURADA

(336x280px)

ƏLAQƏ: +994 70 507 77 00