Azərbaycanda 6 min  nəfər islamdan imtina etdi, başqa dini seçdi

Azərbaycanda 6 min  nəfər islamdan imtina etdi, başqa dini seçdi
Want create site? Find Free WordPress Themes and plugins.

Bir neçə gün öncə Dini Qurumlarla İş üzrə Dövlət Komitəsinin sədri Mübariz Qurbanlı Azərbaycan əhalisinin 96 faizini müsəlmanlar, 4 faizini isə qeyri-müsəlmanlar təşkil etdiyini deyib. Hamıya maraqlı olan bu statistikanın necə müəyyənləşməsidir. Məsələn, qonşu Türkiyədə şəxsiyyət vəsiqələrində insanların dini qeyd olunur. Ancaq bizdə şəxsiyyət vəsiqəsində belə qeyd olmadığı üçün əhalinin neçə faizinin hansı dinə mənsub olduğu barədə statistik rəqəmlərin verilməsi “bu statistika necə hesablanır?” sualını ortaya çıxarır. 

A24.Az  xəbər verir ki, məsələ ilə bağlı Modern.az-a danışan Dini Qurumlarla İş üzrə Dövlət Komitəsinin sədr müavini Gündüz İsmayılov bildirib ki, Azərbaycanda dini mənsubiyyətlə bağlı rəsmi statistika aparılmır.

“Amma Dini Qurumlarla İş üzrə Dövlət Komitəsinin təxmini hesablamalarına görə, ölkə əhalisinin təxminən 96 faizi müsəlmandır. Müsəlmanların isə təxminən 60-65 faizi şiə, 30-35 faizi sünni məzhəbindəndir. Bütün bunlar təxmini hesablamalardır.
Burada Azərbaycanda yaşayan xalqların sayı nəzərə alınır. Məsələn, Azərbaycanda ruslar, ukraynalılar, belaruslar, eyni zamanda udinlər, gürcü pravoslavlar yaşayır. Bunların ümumi sayı müəyyənləşdirilir və gəldiyimiz qənaətə görə, Azərbaycanda əhalinin 96 faizini müsəlmanlar təşkil edir. Qakan hissəni xristianlar, yəhudilər və digər dinlərin nümayəndələri təşkil edir. Azərbaycanda həm gürcü, həm dağ yəhudiləri, həm də Avropa yəhudiləri var. Bunlarında sayını hesablamaqla da digər din mənsublarının təxmini sayı nəzərə alınır.

Bir daha qeyd edirəm ki, əhalinin hansı dinə mənsub olmağı ilə bağlı rəsmi statistika aparılmır, sadəcə təxmini hesablama aparılır”.

Gündüz İsmayılov deyib ki, Azərbaycanda dinini dəyişmə halları da var.

“Amma onu deyim ki, Azərbaycanda dinini kütləvi halda dəyişmə yoxdur. Buna çox az hallarda rast gəlinir. Dinini dəyişmə çox nadir hallarda olduğu üçün, bununla bağlı hər hansı statistikaya ehtiyac olmur. Bu istiqamətdə də təxmini araşdırma aparılıb. Qeyri-ənənəvi xristian sektalarına qoşulanların sayı 6000-dən çox olmayıb”. (Qafqazinfo)

A24.Az

Did you find apk for android? You can find new Free Android Games and apps.
 
Manşet, Gündəm, Din
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar