Azərbaycanda çayların CARİ VƏZİYYƏTİ AÇIQLANDI

Azərbaycanda çayların CARİ VƏZİYYƏTİ AÇIQLANDI
Want create site? Find Free WordPress Themes and plugins.

Azərbaycan çaylarında və transsərhəd çaylarda mövcud vəziyyət açıqlanıb.

A24.Az reporta istinadən xəbər verir. Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, hazırda Böyük Qafqazın Quba-Xaçmaz bölgəsi çaylarında sululuq ongünlük normanın 130-170, Kiçik Qafqazın çaylarında 100-250, Lənkəran-Astara çaylarında 10-40, Naxçıvan MR çaylarında isə 80 faizini təşkil edir.

Tranzit çaylarda hazırkı vəziyyət martın 27-də Kür çayının Qıraqkəsəmən məntəqəsində suyun səviyyəsində 35 sm artım müşahidə olunub. Hazırda məntəqədə su sərfi 590 m3/s olmaqla ongünlük normanın 193 faizini təşkil edir. 2017-ci ildə isə bu rəqəm 175 m3/s olmaqla ongünlük normanın 57 faizini təşkil edib.

Qanıx çayının Əyriçay məntəqəsində suyun səviyyəsində 9 sm azalma müşahidə olunub. Hazırda məntəqədə su sərfi 87 m3/s olmaqla, ongünlük normanın 78 faizini təşkil edir. 2017-ci ildə isə bu göstərici 56 m3/s təşkil edərək ongünlük normanın 50 faizinə bərabər olub.

Kür çayının aşağı axınında hazırkı vəziyyət martın 27-də Kür çayının aşağı axınında suyun səviyyəsində,0 əsasən, azalma müşahidə olunub. Belə ki, Kür çayının Surra məntəqəsində 13, Şirvan və Salyan məntəqələrində 10, Bankədə 3 sm azalma qeydə alınıb, lakin Araz çayının Novruzlu məntəqəsində isə suyun səviyyəsində dəyişiklik müşahidə olunmayıb.

Hazırda Surra məntəqəsində suyun səviyyəsi 325 sm (2017-ci il martın 27-də 374 sm), Şirvanda 191 sm (2017-ci il martın 27-də 253 sm), Salyanda 127 sm (2017-ci il martın 27-də 200 sm), Bankədə 171 sm (2017-ci il martın 27-də 175 sm), Araz çayının Novruzlu məntəqəsində isə 50 sm (2017-ci il martın 27-də 73 sm) təşkil edir.

Did you find apk for android? You can find new Free Android Games and apps.
 
Gündəm
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar