A24 Xeber

Azərbaycanda din xadimlərindən vergi tutulmayacaq

Azərbaycanda din xadimlərindən vergi tutulmayacaq
42
04 Sentyabr 2018 - 18:23

Sentyabrın 1-dən din xadimlərinə dövlət tərəfindən verilən maddi yardımlara sosial və vergi tutmalarının tətbiqi dayandırılır.

“A24.az” bildirir ki, bunu Dini Qurumlarla İş üzrə Dövlət Komitəsinin sədri Mübariz Qurbanlı Məhərrəm ayının başlaması münasibəti ilə keçirilən tədbirdə çıxışı zamanı deyib.

Onun sözlərinə görə, bu gün Azərbaycanda Prezidentin Ehtiyat Fondu hesabına 1060-dan çox din xadimi müxtəlif formada maddi yardımlar alır:

“Bu yardımlara müəyyən sosial və vergi tutmaları tətbiq edilir. Prezident bunu bildikdə onların dayandırılması haqqında tapşırıq verdi. Sentyabrın 1-dən xadimlərimiz maddi yardımı vergisiz, yəni yazıldığı qədər alacaqlar”.

M.Qurbanlı qeyd edib ki, dövlət məscidlərdə işləyən imam və qazilərin həyat şəraitinin yaxşılaşdırılması üçün əlavə tədbirlər keçirməyi də nəzərdə tutur: “Yəqin ki, yaxın aylarda bunu görəcəyik. Bütün bunlar ona görə edilir ki, dövlət və din arasında daha möhkəm körpü olsun”.

M.Qurbanlı onu da əlavə edib ki, ən mühüm vəzifə milli mənəvi dəyərlərimizi hifz etmək, onları yad təsirlərdən qorumaqdır: “Məscidlər dövlətimizin dayağıdır və insanlara daha yüksək vətənpərvərlik ruhunun qaldırılmasına çalışmalıdır”.

SİZİN REKLAMINIZ BURADA

(336x280px)

ƏLAQƏ: +994 70 507 77 00