Azərbaycanda sonsuz qadınların sayı iki dəfə artıb

Azərbaycanda sonsuz qadınların sayı iki dəfə artıb
Want create site? Find Free WordPress Themes and plugins.

Son 12 ildə Azərbaycanda sonsuz qadınların sayı təqribən iki dəfə artıb.

Trend-in məlumatına görə, 2005-ci ildə Azərbaycanda 1 117 nəfər qadın ilk dəfə qadın sonsuzluğu diaqnozu ilə qeydə alınıb.

2011-ci ildə bu rəqəm 1 776, 2014-cü ildə 2 294, 2015-ci ildə 2 314, 2016-cı ildə 2 208, 2017-ci ildə 2 097 olub.

Hər 100 000 nəfər qadın arasında sonsuzluq diaqnozu ilə qeydiyyata alınan qadınların sayı 2011-ci ildə 26,3 nəfər, 2014-cü ildə 48,5 nəfər, 2015-ci ildə 48,4, 2016-cı ildə 45,7, 2017-ci ildə 43 nəfər olub.

Səhiyyə Nazirliyi Elmi Tədqiqat Mamalıq və Ginekologiya İnstitutundan Trend-ə bildirilib ki, Azərbaycanda son zamanlar süni mayalanma halları artıb. Bunun səbəbi sonsuzluğun çoxalması ilə izah edilir.

 Qeyd edək ki, 2011-ci ildə Azərbaycanda 7 368, 2012-ci ildə 7 575, 2013-cü ildə 7 972, 2014-cü ildə 6 840, 2015-ci ildə 6 950, 2016-cı ildə isə 6 146, 2017-ci ildə 6 444 uşağı olmayan ailədə boşanma qeydə alınıb.

Uşağı olmayan ailələrdə boşanmaların sayı 2000-ci illərin əvvəllərində ümumilikdə bütün boşanmaların yarıdan çoxunu təşkil edib.

2000-ci ildə ölkədəki 5 478 boşanma hadisəsinin 3 545-i, 2005-ci ildə 8 895 boşanma hadisəsinin 5599-u, 2010-cu ildə 9 061 boşanma hadisəsinin 5527-i uşaqsız ailələrin payına düşüb. Son illər ərzində ölkə üzrə boşanma hadisələrinin sayı həmin dövrlərlə müqayisədə xeyli artsa da, ümumi boşanmaların sayında uşaqsız ailələrin çəkisi azalıb.

Ailə, Qadın və Uşaq Problemləri üzrə Dövlət Komitəsinin İnformasiya və analitik araşdırmalar şöbəsinin müdiri Elgün Səfərovun Trend-ə verdiyi məlumata görə, Azərbaycanda boşanmaların səbəbləri arasında ilk yeri məişət zorakılığı tutur. Lakin sonsuzluq, narkotik aludəçiliyi, xəyanət, maddi durumun yetərli olmaması da boşanmaların əsas səbəbləri arasındadır.

A24.Az

Did you find apk for android? You can find new Free Android Games and apps.
 
Sağlamlıq
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar