A24 Xeber

Bakı-Rusiya dövlət sərhədi avtomobil yoluna 25 milyon manat ayrılıb

Bakı-Rusiya dövlət sərhədi avtomobil yoluna 25 milyon manat ayrılıb
67
19 Aprel 2018 - 17:25

Azərbaycan prezidenti İlham Əliyev “M-1 Bakı-Rusiya Federasiyası ilə dövlət sərhədi avtomobil yolunda tikinti işlərinin davam etdirilməsi ilə bağlı əlavə tədbirlər haqqında” sərəncam imzalayıb.

A24.Az xəbər verir ki,  sərəncama əsasən M-1 Bakı-Rusiya Federasiyası ilə dövlət sərhədi avtomobil yolunun 132.7-ci km-dən 192.24-cü km-dək hissəsinin I kateqoriyaya uyğun olaraq tikintisi layihəsinin davam etdirilməsi məqsədi ilə 2018-ci il dövlət büdcəsində islahatlarla bağlı xərclər üçün nəzərdə tutulmuş vəsaitdən Azərbaycan Avtomobil Yolları Dövlət Agentliyinə 25 milyon manat ayrılıb.

Maliyyə Nazirliyinə nəzərdə tutulan məbləğdə maliyyələşməni təmin etmək tapşırılıb.

 Sərəncamda qeyd edilib ki, “Şimal-Cənub” beynəlxalq nəqliyyat dəhlizinin tərkib hissəsi olan bu avtomobil yolunun müasir tələblərə uyğun yenidən qurulması bölgədə nəqliyyat xidmətlərinin daha da yaxşılaşdırılmasına imkan verəcək.

Xatırladaq ki, bundan öncə Azərbaycan prezidentinin “Bakı–Quba–Rusiya Federasiyası ilə dövlət sərhədi yeni avtomobil yolunun tikintisi ilə bağlı tədbirlər haqqında” 19 fevral 2018-ci il tarixli sərəncamına əsasən M-1 Bakı–Quba–Rusiya Federasiyası ilə dövlət sərhədi yeni avtomobil yolunun H.Z.Tağıyev qəsəbəsindən başlayaraq tikilməsi məqsədi ilə Azərbaycan Avtomobil Yolları Dövlət Agentliyinə 150 milyon manat ayrılıb.

A24.Az 

OXŞAR XƏBƏRLƏR
SİZİN REKLAMINIZ BURADA

(336x280px)

ƏLAQƏ: +994 70 507 77 00