A24 Xeber

Bakıda yol qəzası baş verdi: 3 nəfər xəsarət aldı

Bakıda yol qəzası baş verdi: 3 nəfər xəsarət aldı
44
03 Aprel 2018 - 10:17

Bakının Nəsimi rayonunda 3 nəfərin xəsarət alması ilə nəticələnən yol qəzası baş verib.

A24.Az report-a istinadən xəbər verir ki, hadisə Kövkəb Səfərəliyeva və 28 May küçələrinin kəsişməsində qeydə alınıb.

Hadisəyə 1986-cı il təvəllüdlü Astara rayon sakini Məmmədov Hafiz Naib oğlunun “Mercedes” markalı avtomobil ilə işıqforu qırmızı işıqda keçməsi səbəb olub. Onun yüksək sürətlə hərəkətdə olan maşını 28 May küçəsindən gələn “Mercedes” markalı sərnişin mikroavtobusuna çırpılıb.

Nəticədə mikroavtobus aşıb, içərisində olan 6 sərnişindən 3-ü yüngül bədən xəsarətləri alıb.

Mikroavtobus şirkət maşını olub və işçiləri daşıyırmış.

Hadisə ilə əlaqədar əraziyə Nəsimi Rayon Polis İdarəsinin əməkdaşları cəlb edilib.

SİZİN REKLAMINIZ BURADA

(336x280px)

ƏLAQƏ: +994 70 507 77 00