Bakını güclü duman bürüyüb - FOTOLAR

Bakını güclü duman bürüyüb – FOTOLAR
Want create site? Find Free WordPress Themes and plugins.

Martın 10-u axşam saatlarından başlayaraq, Bakıda və bəzi bölgələrdə güclü duman müşahidə olunur. Eyni vəziyyət martın 10-na keçən gecə də hökm sürüb.

A24.Az xəbər verir ki, hava qaraldıqdan sonra Bakının avtomobil yollarında görünüş məsafəsi xeyli azalıb, qatı duman avtomobillərin hərəkətini çətinləşdirib.

Bakı Nəqliyyat Agentliyindən verilən məlumata görə, axşam saatlarında Yasamal rayonu ərazisindəki küçə və prospektlərdə, eləcə də, Tiflis, Moskva prospektlərində, “20 Yanvar” dairəsi istiqamətində dumanla əlaqədar avtomobillərin hərəkətində çətinlik olub, nəqliyyat sıxlığı yaranıb. Bir qədər sonra sıxlıq aradan qalxıb və hazırda nəqliyyatın hərəkəti normaldır.

Heydər Əliyev Bakı Beynəlxalq Hava Limanından APA-ya bildirilib ki, dumanlı hava şəraiti aeroportun işinə təsir etməyib, dumanla əlaqədar təxirə salınan reys yoxdur. Bakıya gəlməli olan bir neçə reysdə ləngimə var. Amma bu ləngimə dumanla bağlı deyil.

Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosundan  verilən məlumata görə, hazırda Bakı ilə yanaşı bir sıra rayonlarda da dumanlı hava şəraiti hökm sürür. Duman martın 11-i səhər saatlarınadək davam edəcək və gündüz saatlarında duman gözlənilmir.

Did you find apk for android? You can find new Free Android Games and apps.
 
Son Dəqiqə
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar