A24 Xeber

BMT İsrailin dövlət siyasətini sərt tənqid etdi: “İrqçilik siyasəti yürüdür”

BMT İsrailin dövlət siyasətini sərt tənqid etdi: “İrqçilik siyasəti yürüdür”
572
17 Mart 2017 - 9:56

BMT Qərbi Asiya İqtisadi və Sosial Komissiyası İsrailin fələstinlilərə qarşı iqri ayrı-seçkilik etdiyini bildirib.

“A24.az” xəbər verir ki, BMT-nin Qərbi Asiya İqtisadi və Sosial Komissiyasının katibi Rima Xələf Livanın paytaxtı Beyrutda təşkil etdiyi mətbuat konfransında “İsrailin Fələstin xalqına qarşı etdikləri və irqi ayrı-seçkilik problemi” mövzusunda araşdırma hesabatı ilə bağlı məlumat verərək bütün bunların ciddi dəlillərə söykəndiyini vurğulayıb.

Hesabatda İsrailin açıq şəkildə irqçi dövlət olduğunu nəzərə çatdıran Xələf deyib: “İsrail uzun illərdən bəri beynəlxalq hüquq normalarını pozur. Beynəlxalq ictimaiyyətin bu vəziyyətə göz yummasından istifadə edən İsrail ötən onilliklər ərzində Fələstin xalqına qarşı dövlət siyasəti kimi irqi ayrı-seçkilik həyata keçirir”.

Komissiya tərəfindən aparılan araşdırmalar nəticəsində İsrail ilə Fələstin arasındakı ziddiyyətlərin qarşısını almaq üçün tətbiq edilən ikidövlətli həll yolunun uğurlu olmadığını qeyd edən Xələf dövlətlərdən və qeyri-hökumət təşkilatlarından irqçi siyasət həyata keçirən İsrailə bu siyasətinə son qoyması üçün təzyiqlər göstərmələrini tələb edib.

SİZİN REKLAMINIZ BURADA

(336x280px)

ƏLAQƏ: +994 70 507 77 00