Bu gün Cənub Qaz Dəhlizinin rəsmi açılışı olacaq

Bu gün Cənub Qaz Dəhlizinin rəsmi açılışı olacaq
Want create site? Find Free WordPress Themes and plugins.

Bu gün Bakıda Cənub Qaz Dəhlizi layihəsinin ilk hissəsinin rəsmi açılış mərasimi keçiriləcək.

“A24.az” “Report”a istinadən xəbər verir ki, layihəyə daxil olan boru kəmərlərindən birincisi – genişləndirilmiş Cənubi Qafqaz Boru Kəməri istismara veriləcək.

Beləliklə, Cənub Qaz Dəhlizinin ilk hissəsi açılmış olacaq, genişləndirilən Cənubi Qafqaz Boru Kəməri ilə ilk qaz ötürülməyə başlanılacaq.

Dəyəri 40 mlrd. ABŞ dolları olan Cənub Qaz Dəhlizi layihəsi Xəzərin Azərbaycan sektorunda yerləşən “Şahdəniz” qaz-kondensat yatağının istismarının ikinci mərhələsi çərçivəsində hasil ediləcək qazın boru kəmərləri ilə Türkiyə və Avropaya nəqlini nəzərdə tutur. “Şahdəniz-2” layihəsi, Cənubi Qafqaz Boru Kəmərinin Genişləndirilməsi, Türkiyə ərazisində inşa olunan Trans-Anadolu Boru Kəməri (TANAP), Yunanıstan, Albaniya və Adriatik dənizinin dibi ilə Cənubi İtaliyaya qədər uzanacaq Trans-Adriatik Boru Kəməri (TAP) Cənub Qaz Dəhlizinin əsas komponentləridir.

Cənub Qaz Dəhlizinə daxil olan Cənubi Qafqaz Boru Kəmərinin Genişləndirilməsi layihəsinə Azərbaycan boyu yeni kəmərin çəkilməsi, Gürcüstanda iki yeni kompressor stansiyasının tikilməsi daxildir. Cənubi Qafqaz Boru Kəmərinin Genişləndirilməsi layihəsi ilə bağlı yekun investisiya qərarı “Şahdəniz Mərhələ 2” ilə eyni vaxtda – 2013-cü il dekabrın 17-də verilib. Layihənin investisiya dəyəri 4,7 mlrd. ABŞ dolları təşkil edir. 2014-cu il sentyabrın 20-də təməlqoyma mərasimi keçirilib.

TANAP-ın Əskişəhərə qədər hissəsinin açılış mərasiminin isə iyunun 12-də keçirilməsi gözlənilir. Beləliklə, TANAP-la ilk qaz gələn ay Türkiyə bazarına daxil olacaq.

Cənub Qaz Dəhlizinin sonuncu qolunun – TAP-ın isə 2020-ci ilin əvvəlində istismara verilməsi nəzərdə tutulur.

Did you find apk for android? You can find new Free Android Games and apps.
 
Manşet, İqtisadiyyat
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar