Bu regionda nazirlik vakansiya elan etdi

Bu regionda nazirlik vakansiya elan etdi
Want create site? Find Free WordPress Themes and plugins.

Dövlət vergi orqanlarına xidmətə qəbul “Dövlət vergi orqanlarına işə qəbul olunmaq üçün namizədlərin müsabiqəsinin keçirilməsi haqqında Əsasnamə”yə və “Dövlət vergi orqanlarında xidmət haqqında Əsasnamə”yə müvafiq olaraq aparılır.

A24.Az xəbər verir ki, müsabiqəyə sənəd qəbulu 19 fevral 2018-ci il tarixdən 16 mart 2018-ci il tarixədək aparılır. Müsabiqədə iştirak etmək istəyənlər aşağıdakı sənədləri nazirlikdə yaradılmış komissiyaya təqdim etməlidirlər:

1. Vergilər Nazirliyi tərəfindən müəyyən olunmuş formada ərizə (blank Vergilər Nazirliyi tərəfindən verilir)

2. 3×4 santimetr ölçüdə 2 ədəd (ağ fonda) fotoşəkil

3. Ali təhsil barədə diplom (xarici ölkədə təhsil almış namizədlərin diplomları qanunamüvafiq qaydada nostrifikasiya olunmalıdır)

4. Əmək kitabçasının əsli və ya təsdiq olunmuş surəti (son iş yeri barədə qeydin olması şərti ilə)

5. Şəxsiyyət vəsiqəsi

6. Hərbi bilet 

Sənəd qəbulu zamanı məhkəmənin qanuni qüvvəyə minmiş qərarı ilə məhdud fəaliyyət qabiliyyətli və ya fəaliyyət qabiliyyəti olmayan hesab edilən və üzərindən məhkumluğu götürülməyən və ya ödənilməyən vətəndaşların sənədləri qəbul edilmir. Qanunla müəyyən olunmuş müddətli həqiqi hərbi xidmət keçməmiş (qanuni əsaslarla müddətli həqiqi hərbi xidmətə çağırışdan möhlət hüququ olanlar və ya müddətli həqiqi hərbi xidmətə çağırışdan azad edilənlər istisna olmaqla) çağırışyaşlı vətəndaşlar dövlət vergi orqanlarında xüsusi rütbələr nəzərdə tutulmuş vəzifələrə xidmətə qəbul edilmirlər.

Müsabiqədə iştiraka, bir qayda olaraq, iqtisadiyyat, hüquq və idarəetmə ixtisas istiqamətləri üzrə ali təhsilə malik, yaşı 35-i keçməmiş vətəndaşlar buraxılırlar.

Müsabiqəni müvəffəqiyyətlə keçmiş namizədlərə aşağıda göstərilən 22 sayda vakant yer üzrə iş təklif ediləcəkdir:

1. Babək Rayon Vergilər Şöbəsi – 2 yer

2. Şərur Rayon Vergilər Şöbəsi – 2 yer

3. Ordubad Rayon Vergilər Şöbəsi – 5 yer

4. Culfa Rayon Vergilər Şöbəsi – 3 yer

5. Şahbuz Rayon Vergilər Şöbəsi – 4 yer

6. Sədərək Rayon Vergilər Şöbəsi – 2 yer

7. Kəngərli Rayon Vergilər Şöbəsi – 4 yer

Qeyd: Müsabiqəni müvəffəqiyyətlə keçmiş, sahibkarlıq fəaliyyəti ilə məşğul olan namizədlər fəaliyyətləri ləğv olunmadan işlə təmin olunmurlar. Namizəd ona təklif olunan vəzifədən imtina edərsə, Vergilər Nazirliyinin kadr ehtiyatından çıxarılacaq. Boş yerlərin sayı müsabiqənin sonuna qədər dəyişə bilər.

Did you find apk for android? You can find new Free Android Games and apps.
 
Hadisə
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar