DÇ-2018: Rusiya millisi Misiri məğlub edib

DÇ-2018: Rusiya millisi Misiri məğlub edib
Want create site? Find Free WordPress Themes and plugins.

 Futbol üzrə dünya çempionatında II tura start verilib.

A24.Az “Report”a istinadən xəbər verir ki, turun ilk oyununda Rusiya və Misir yığmaları üz-üzə gəlib.

“Report” xəbər verir ki, Sankt-Peterburq şəhərindəki eyniadlı stadionda keçirilmiş qarşılaşma təşkilatçı ölkə millisinin 3:1 hesablı qələbəsi ilə yekunlaşıb.

Qolların hamısı ikinci hissədə vurulub. 47-ci dəqiqədə misirli Ahmed Fəthi topu öz qapısına göndərib. 59-cu dəqiqədə Denis Çerışev fərqi artırıb. O, həm də ilk 2 matçda 3-cü qoluna imza atıb. Rusiyanın son qolunu isə 62-ci dəqiqədə Artyom Dzyuba vurub. Bu həm də Dzyubanın mundialda ikinci topu olub.

Misir yığması təsəlli qolunu isə 73-cü dəqiqədə penaltidən vurub. VAR sisteminə müraciət olunduqdan sonra təyin olunmuş 11 metrlik cərimə zərbəsini zədəsini sağaldan Məhəmməd Salah dəqiq yerinə yetirib.

Bu qələbə sayəsində Rusiya yığması 1/8 finala vəsiqəni böyük ölçüdə təmin edib. İyunun 20-də keçiriləcək A qrupunun digər görüşündə Uruqvay Səudiyyə Ərəbistanına böyük hesabla uduzmasa, təşkilatçı ölkə millisi növbəti mərhələyə yüksələn ilk komanda olacaq. İlk turda Uruqvaya 0:1 hesabı ilə uduzan Misir isə xalsızdır və 1/8 finala çıxmaq üçün ilk növbədə, Səudiyyə Ərəbistanının Uruqvayı udmasına ümid etməlidir. Bu isə demək olar ki, mümkünsüzdür.

DÇ-2018, A qrupu, II tur

22:00. Rusiya – Misir – 3:1

Qollar: Ahmed Fəthi, 47 (avtoqol). Denis Çerışev, 59. Artyom Dzyuba, 62 – Məhəmməd Salah, 73 (pen.)

Hakimlər: Enrike Kaseres, Eduardo Kardozo, Xuan Zorrilya (hamısı Paraqvay), Cüneyt Çakır (Türkiyə)

Sankt-Peterburq, “Sankt-Peterburq Arena”

A24.Az

Did you find apk for android? You can find new Free Android Games and apps.
 
İdman
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar