Deputat xəbərdarlıq etdi: "Hüquq-mühafizə orqanlarına müraciət edəcəm"

Deputat xəbərdarlıq etdi: “Hüquq-mühafizə orqanlarına müraciət edəcəm”
Want create site? Find Free WordPress Themes and plugins.

Millət vəkili Qənirə Paşayeva onun adından istifadə edib iş düzəltmək adı ilə pul yığan şəxslə bağlı açıqlama yayıb.

“A24.az” bildirir ki, xanım deputat sosial şəbəkədə bildirib ki, məsələ ilə bağlı hüquq-mühafizə orqanlarına müraciət edəcək:

“Anar Tağıyev adlı bir tovuzlunun mənim qohumum olduğunu iddia edərək müxtəlif şəxslərdən iş düzəltmək adı ilə pul istəməsi və ya alması barədə mənə məlumat daxil olub. Bildirmək istəyirəm ki, mənim bu adlı qohumum və ya işçim yoxdur və bu adamın mənimlə heç bir əlaqəsi yoxdur. Sabah bu məsələ ilə bağlı, adımdan bu cür çirkin məqsədlər üçün istifadə edilməsi ilə bağlı hüquq-mühafizə orqanlarına müraciət edəcəm. Bu şəxsin qurbanı olan insanlar mənə buradan inboksa yaza bilərlər və mən həmin müraciətləri də hüquq-mühafizə orqanlarına göndərib araşdırılmasını xahiş edəcəm. Adımdan çirkin məqsədlər üçün istifadə edilməsi məni çox üzdüyü qədər də çox narahat edir və xahiş edirəm, mənim adımdan bundan sonra da istifadə edərək kimlərsə sizdən işinizi düzəltmək adı ilə pul və ya maddi şeylər tələb etsə mütləq bizə Milli Məclisə məktubla müraciət edin, buradan yazın və ya (012) 437-29-30 nömrəsinə zəng edərək köməkçim Məhəbbət xanıma məlumat verin ki, bu cür dələduzlarla bağlı tədbir görə bilək. Və bu cür fırıldaqçılara inanmayın ki, sabah zərərə düşəsiniz. Bu artıq üçüncü dəfədir ki, kimlərinsə mənim adımdan bu məqsədlə istifadə etdiyi barədə məlumatlar daxil olur və hər dəfə də hüquq-mühafizə orqanlarına müraciət edərək tədbirlər görülməsini xahiş etmişik. Eyni zamanda bütün idarə və qurumlardan xahiş edirəm ki, mənim adımdan kimlərsə sizə hansısa xahişlə müraciət edərsə inanmayın. Biz vətəndaşlarımızın bizə rəsmi müraciətləri əsasında məktubla, imzayla rəsmi qurumlara müraciət edirik və ya şəxsən mən özüm həmin qurumların rəhbərlərinə zəng edərək məsələləri onların diqqətinə çatdırıram. Kimlərsə kiməsə mənim adımdan zəng edərsə, xahiş edirəm, heç zaman inanmayın”.

Did you find apk for android? You can find new Free Android Games and apps.
 
Son Dəqiqə, Gündəm
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar