DİM-dən ŞAD XƏBƏR: Buraxılış imtahanlarında üzrlü səbəbdən iştirak edə bilməyənlər...

DİM-dən ŞAD XƏBƏR: Buraxılış imtahanlarında üzrlü səbəbdən iştirak edə bilməyənlər…
Want create site? Find Free WordPress Themes and plugins.

Dövlət İmtahan Mərkəzi (DİM) 2018-ci ildə keçirilmiş buraxılış imtahanlarında üzrlü səbəbdən iştirak edə bilməyən şagirdlər üçün sentyabrın 8-də əlavə imtahan təşkil edəcək.

DİM-dən A24.Az-a bildirilib ki, Bakı, Naxçıvan, Gəncə və Şirvan şəhərlərində keçiriləcək imtahanlar bütün binalarda eyni vaxtda – saat 11:00-da başlanacaq. İmtahanlarda IX sinif buraxılış imtahanının birinci mərhələsi üzrə 682, ikinci mərhələsi üzrə 197, XI sinif üzrə isə 164 şagirdin iştirakı gözlənilir. İmtahanların idarə olunması üçün 9 imtahan rəhbəri, 92 nəzarətçi-müəllim ayrılıb.

İmtahanlarda iştirak edəcək şagirdlər “İmtahana buraxılış vərəqəsi”ni internet vasitəsilə sentyabrın 3-dən etibarən çap edib götürə bilirlər. Buraxılış vərəqəsi ilə yanaşı, onlara “Yaddaş kitabçası”ndan çıxarış da təqdim olunur. Burada şagirdlərə imtahan prosesi ilə bağlı vacib tövsiyələr, onların əməl etməli olduqları qaydalar və digər zəruri məlumatlar çatdırılır.

Şagirdlər imtahana aşağıdakı sənədləri gətirməlidirlər:

– “İmtahana buraxılış vərəqəsi”ni;

– Şəxsiyyəti təsdiqləyən sənədin əslini:

a) Azərbaycan Respublikasının vətəndaşları (16 yaşı tamam olmayan şagirdlər də daxil olmaqla) şəxsiyyət vəsiqəsini;

b) Əcnəbilər şəxsi pasportları və icazə vəsiqələrini, vətəndaşlığı olmayan şəxslər şəxsiyyət vəsiqələrini və icazə vəsiqələrini, qaçqın statusu almış xarici vətəndaşlar və onların ailə üzvləri isə qaçqın vəsiqələrini;

– Şəxsiyyət vəsiqəsində şəkli olmayan şagirdlər digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı (arayışa şagirdin 3x4sm ölçülü şəkli yapışdırılır və şəkil möhürlə təsdiqlənir).

Qeyd edilən sənədlərindən biri olmayan və ya sənədləri arasında uyğunsuzluq aşkarlanan şəxslər imtahan binasına buraxılmayacaqlar.

Did you find apk for android? You can find new Free Android Games and apps.
 
Elm, Təhsil
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar