DİQQƏT: Bakıda təcrübəsi olmayan həkimlər öd əməliyyatı edir

DİQQƏT: Bakıda təcrübəsi olmayan həkimlər öd əməliyyatı edir
Want create site? Find Free WordPress Themes and plugins.

“Çox təəssüflər olsun ki, bizə son zamanlar öd yollarının yaralanması şikayəti ilə çox xəstələr müraciət etməyə başlayıb. Bu, Bakıda təcrübəsiz həkimlərin nəyinsə xatirinə öd kisəsi əməliyyatlarının etməsinin nəticəsidir”.

“A24.az” bildirir ki, bunu Trend-ə Səhiyyə Nazirliyinin Transplantologiya işinin təşkili üzrə Əlaqələndirici Şurasının üzvü, Mərkəzi Neftçilər Xəstəxanasının (MNX) Cərrahiyyə və Orqan Transplantasiyası şöbəsinin müdiri, tibb üzrə fəlsəfə doktoru Mircəlal Kazımi deyib.

Öd kisəsi əməliyyatının kifayət qədər ciddi olduğunu vurğulayan M.Kazımi deyib ki, sadə öd kisəsi əməliyyatının fəsadları ən pis bədxassəli xərçəng xəstəliyinin əlamətlərindən pis ola bilər:

“Son zamanlar Bakı şəhərinin müxtəlif tibb müəssisələrində laparoskopik xolesistektomiya əməliyyatını icra edəcəyini deyən çox “cəsarətli”, amma təcrübəsi olmayan həkimlər nəyinsə xatirinə öd kisəsi və öd yollarını əməliyyat edirlər. Nəticədə də xəstələrdə ciddi fəsadların yaranmasına səbəb olurlar. Lakin istər həkimlər, istərsə də xəstələr “öd kisəsi sadə əməliyyatdır” deyərək buna ötəri yanaşmamalıdırlar”.

M.Kazımi Azərbaycanda bəzi həkimlərin başqa bir səhv üsuldan istifadə etdiklərini də söyləyib.

Onun sözlərinə görə, hansı səbəbdən baş verməsindən asılı olmayaraq, qaraciyərin serrozu portal hipertenziyaya səbəb olur. Bunun nəticələrindən biri dalağın ölçülərinin böyüməsidir:

“Çox təəssüf ki, həkimlərimiz qaraciyər serrozu zamanı xəstələrə dalağın çıxarılmasını məsləhət görürlər. Bu, çox səhv yoldur və daha ciddi fəsadlara yol aça bilər. Çünki qaraciyər serrozunda dalağın böyüməsinə səbəb portal hipertenziyadır, daxili orqanlarda təzyiqin artması nəticəsində dalaq böyüyür. Qaraciyər serrozu zamanı dalağın çıxarılması gələcəkdə həmin şəxsin transplantasiya imkanının olmamasıdır. Ona görə də xəstələr ehtiyatlı olmalıdırlar ki, belə əməliyyat onlar üzərində aparılmasın”.

Did you find apk for android? You can find new Free Android Games and apps.
 
Son Dəqiqə, Sağlamlıq
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar