A24 Xeber

Əhmədinejaddan Ruhaniyə İSTEFA TƏLƏBİ

Əhmədinejaddan Ruhaniyə İSTEFA TƏLƏBİ
26
10 Avqust 2018 - 14:59

İranın sabiq prezidenti Mahmud Əhmədinejad ölkənin hazırkı prezidenti Həsən Ruhaninin istefa verməsini tələb edib.

A24.Az xarici mətbuata istinadən xəbər verir ki, ötən gün sosial şəbəkədən canlı yayım edən Əhmədinejad, İran xalqının hazırkı hökumətə inamının qalmadığını önə sürərək Ruhaniyə xitabən “Sizin mövcudluğunuz ölkənin zərərinə işləyir” açıqlaması verib.

İqtisadi böhranı tənqid edən Əhmədinejad “Ruhani, anbarların və xəzinənin boş olduğunu, hökumətin də borclu olduğunu söyləyib. Bu sözlərin heç biri doğru deyil. Bu qədər zaman keçib və hazırda 5 illik bir iqtisadi depressiyanın ölkəyə təsir etdiyini göstəririk”, – deyə bildirib. 61 yaşlı sabiq siyasətçi xalqın artıq Ruhaniyə inanmadığını bildirib: “Bunu anlamağınız üçün necə ifadə etməliyəm? Prezident mövqeyində qalmağınız həm ölkənin, həm də şəxsinizin zərərinə olacaq. Xalqımızın razılığını əldə etməyiniz lazımdır. Bəlkə də bunun ən yaxşı yolu artıq prezidentinizə davam etməməyinizdir”, – deyə Mahmud Əhmədinejad qeyd edib.

Orxan Aslanlı // A24.Az

SİZİN REKLAMINIZ BURADA

(336x280px)

ƏLAQƏ: +994 70 507 77 00