Erməni hərbçi baş qərargah rəisinin yalanlarını üzə çıxardı

Erməni hərbçi baş qərargah rəisinin yalanlarını üzə çıxardı
Want create site? Find Free WordPress Themes and plugins.

Ermənistanın Hərbi Polisinin əməliyyat şöbəsinin keçmiş əməkdaşı, ölkəsində siyasi təqiblərə dözməyərək hazırda Avropada mühacirət həyatı yaşayan Vardan Gukasyan Ermənistan silahlı qüvvələrinin baş qərargah rəisi Artak Davtyanın yalanlarını üzə çıxarıb.

A24.Az xəbər verir ki, analitik Ehtiram Aşırlı AZƏRTAC-a bildirib ki, ötən gün Ermənistan ordusunun rəsmisi A.Davtyan 2008-ci il 1 mart hadisələri ilə bağlı absurd bəyanatla çıxış edib. A.Davtyan bildirib ki, ordu heç kəsə güllə atmayıb. Əgər atəş açılıbsa, bunu başqa adamlar edib. Bu məsələdə bütövlükdə ordunun adını çəkmək düzgün deyil. Orduya bu cür əmr verilməmişdi. Məhz bu ağ yalan həqiqətləri xalqına çatdırmaq istəyən V.Gukasyanı özünün şəxsi “Youtube” kanalında videomüraciət yerləşdirməsinə məcbur edib. O bildirib ki, 1 mart hadisələri ilə bağlı aparılan araşdırma proseslərini yaxından izləyən bir şəxs kimi hazırda fəaliyyətdə olan baş qərargah rəisinin verdiyi açıqlama onu təəccübləndirib. “Mən 2008-ci ildə Hərbi Polisin əməliyyat şöbəsinin zabiti olaraq 1 mart hadisələrində meydanda olmuşam. Mərkəzi meydanı Vazgen Sarkisyan adına ali məktəbin kursantları və hərbi polis qoruyurdu. Hökumət binasında Qarabağdan gətirilən hərbi qulluqçuların da olduğunun şahidiyəm”, – deyə keçmiş hərbi polis əməkdaşı bildirib. V.Guqasyan onu da qeyd edib ki, Qarabağdan gətirilən xüsusi təyinatlı dəstə 20 gündən artıq müddətdə hökumət binasında yerləşdirilib.

E.Aşırlının sözlərinə görə, bununla yanaşı, V.Guqasyan öz şəxsi kanalındakı canlı yayımda həmin dövrdə 4-cü korpusun Araratda yerləşən alayının şəxsi heyətinin bir hissəsinin Naxçıvan istiqamətindəki mövqelərdən çıxarılaraq İrəvana gətirilməsindən, həmçinin Qarabağdan qüvvələrin bir qisminin hökumət binasının qarşısında yerləşdirilməsindən də bəhs edib.

O deyib: “Həmin dövrdə hərbi polis rəisi Vladimir Qasparyan binadan çıxaraq hamımıza prezidentin əmr imzaladığını çatdırdı. Prezidentin adından deyirəm ki, xalq “Marriot” mehmanxanası tərəfdən göründüyü anda atəş açın. Ancaq insanların ayaqlarını nişan alın. Qarabağdan gətirilən xüsusi təyinatlı dəstə bu işdə fəallığı ilə seçilib. İndi baş qərargah rəisi hansı əsasla nə danışır bilmirəm, ancaq Qarabağdan qoşun gətirilib və onlar 20 gündən artıq müddətdə İrəvandakı hökumət binasında olublar”.

Beləliklə, növbəti dəfə Ermənistan Müdafiə Nazirliyi və silahlı qüvvələr rəhbərliyinin 2008-ci il 1 mart hadisələri ilə bağlı erməni xalqına danışdığı yalanlar ifşa olunub. Bu da onu göstərir ki, Ermənistanın baş naziri Nikol Paşinyan və onun hökumətinin 1 mart hadisələri ilə bağlı apardığı araşdırmalar həqiqətlərə uyğun deyil, o, sadəcə xalqı aldatmağa və öz hakimiyyətini möhkəmləndirməyə yönəlib.

 

Did you find apk for android? You can find new Free Android Games and apps.
 
Gündəm, Dünya, Siyasət
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar