A24 Xeber

Əsəd terror təşkilatını, ABŞ isə Əsədi vurdu – Nəyə görə?

Əsəd terror təşkilatını, ABŞ isə Əsədi vurdu – Nəyə görə?
61
30 Aprel 2018 - 10:47

Suriyanın Deyrizor bölgəsində PYD/PKK və rejim qüvvələri arasında şiddətli atışma yaşanıb.

“A24.az” Türkiyə mediasına istinadən xəbər verir ki, rejimin ələ keçirdiyi kəndləri terror təşkilatı PYD/PKK ABŞ hərbi təyyarələri və Apaçi helikopterlərinin havadan dəstəyi ilə geri alıb.

Məlumata görə, aprelin 29-u səhər saatlarında rejim qüvvələri Fıratın şərqində və Deyrizorun qərb sərhəddində yerləşən Cenine Caya Hisan və Şakra kəndlərinə hücum edərək həmin əraziləri ələ keçiriblər.

Terror təşkilatı PYD/PKK bölgədəki düşərgələrdən dəstək göndərərək həmin kəndlərə hücum edib. Terror təşkilatı PYD/PKK ABŞ hərbi təyyarələrinin və Apaçi helikopterlərinin havadan dəstəyi ilə adıçəkilən kəndləri geri alıb.

Silahlı qarşıdurma zamanı rejim qüvvələrindən ən azı 20 nəfər, PYD/PKK-lılardan isə 5 terrorçu ölüb.

Deyrizorun əhəmiyyəti…

İraq sərhəddi yaxınlığında yerləşən Deyrizor ölkənin ən böyük enerji qaynaqlarına ev sahibliyi edir. PYD/PKK ötən ilin son 4 ayı ərzində rejim qüvvələri ilə birlikdə Deyrizor sahillərinin enerji qaynaqlarının çoxluq təşkil etdiyi şimal-şərqinə, yəni Fırat çayının şərqinə kimi irəliləyib.

Hazırda Deyrizorda, Fırat çayının şərqinə PYD/PKK, qərbinə Əsəd rejimi, cənubundakı kiçik bir sahəyə isə İŞİD sahiblənib.

 A24.az

SİZİN REKLAMINIZ BURADA

(336x280px)

ƏLAQƏ: +994 70 507 77 00