Fərqli prosessorlu ilk planşet təqdim edildi

Fərqli prosessorlu ilk planşet təqdim edildi
Want create site? Find Free WordPress Themes and plugins.

Çinin “Xiaomi” istehlak elektronikası istehsalçısı bazarda “Qualcomm Snapdragon 660” prosessoru ilə təchiz edilən ilk “Xiaomi Mi Pad 4” planşet kompüter modelini təqdim edib.

A24.Az “DailyComm” resursuna istinadən xəbər verir ki, yeni qurğu 1920 х 1200 piksel təsvir ölçülü və tərəflərinin nisbəti 16:10 təşkil edən 8 düym diaqonallı ekran ilə təchiz olunub. Əvvəlki modelin malik olduğu altınüvəli “MediaTek MT8176” prosessoru 2,2 QHs takt tezlikli və “Adreno 512” qrafik kontrollerli səkkiznüvəli “Snapdragon 660” prosessoru ilə əvəz edilib.

Məlumata görə, “LPDDR3” operativ yaddaş tutumu 4 giqabayt, quraşdırılmış yaddaş isə 64 giqabayt təşkil edir. Əsas kamera 13 meqapikselli matrisaya malikdir və videonu “Full HD” formatında çəkir. Ön tərəfdə əlavə 5 meqapikselli kamera quraşdırılıb.

Korpusu metaldan ibarət planşetin qalınlığı 7,9 mm, çəkisi 243 qram, akkumulyator tutumu 6 min milliamper/saat təşkil edir. Qurğu, həmçinin sifətin tanınması texnologiyası vasitəsilə blokdan çıxarmanı dəstəkləyir.

“Xiaomi” nümayəndələrinin sözlərinə görə, qurğunun ölçüsü 9,4 faiz kiçildilib və bu səbəbdən onu “Xiaomi MiPad 3” modeli ilə müqayisədə bir əllə idarə etmək mümkündür.

Qızılı və qara rənglərdə satışa çıxarılacaq “Xiaomi MiPad 4” planşetinin minimal yaddaş tutumlu və “LTE” şəbəkəsini dəstəkləməyən versiyasının qiyməti 169 dollar təşkil edir.

Did you find apk for android? You can find new Free Android Games and apps.
 
Texnologiya
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar