A24 Xeber

FİA yarış zamanı Fettelin hücumunu araşdırır

FİA yarış zamanı Fettelin hücumunu araşdırır
610
29 İyun 2017 - 9:18

Keçən bazar günü ölkəmizdə baş tutan yarış zamanı Təhlükəsizlik Maşını rejiminin sonunda Sebastyan Fettel əsas rəqibi Lyuis Həmiltonla iki dəfə toqquşmuşdu – Ferrari-nin sürücüsü əvvəlcə sürətini kəskin azaldan Lyuisə arxadan çırpılmış, sonra isə yanına gələrək qəsdən qırmızı maşınını rəqibin gümüşü maşınına vurmuşdu.

A24.az F-1.az-a istinadən bildirir ki, məhz qəsdən etdiyi ikinci hərəkətinə görə dördqat dünya çempionu yarışın gedişində 10 saniyəlik Stop&Go (dayan və get) cəzası almaqla yanaşı, yarışdan sonra da aktivinə 3 cərimə balı qazanmışdı. Bir qədər əvvəl isə məlum olub ki, FİA həmən insidenti təkrar araşdırmaq qərarına gəlib.

Federasiyanın rəsmi saytında yayılan relizdə deyilir: “Sebastyan Fettel və Lyuis Həmilton arasında Azərbaycan Qran Prisinin gedişində baş verən toqquşmadan sonra FİA insidenti ətraflı araşdıracaq və bazar ertəsi, yəni iyulun 3-də araşdırmaların davam etdirilməsini dəyərləndirəcək.

İlkin araşdırmanın nəticəsi isə Avstriya Qran Prisinədək dərc olunacaq.”

SİZİN REKLAMINIZ BURADA

(336x280px)

ƏLAQƏ: +994 70 507 77 00