A24 Xeber

Gürcüstanda marixuanadan istifadə leqallaşıb

Gürcüstanda marixuanadan istifadə leqallaşıb
41
30 İyul 2018 - 19:30

Gürcüstanda marixuanadan istifadə ilə bağlı bütün sanksiyalar ləğv olunub.

A24.Az APA-ya istinadən xəbər verir ki, bu barədə Gürcüstanın Konstitusiya Məhkəməsi qərar qəbul edib.

Məhkəmə bu gün “Girçi” Partiyasının üzvləri Zurab Caparidze və Vaxtanq Meqrelişvilinin iddiasını təmin edərək, həkim təyinatı olmadan marixuananın istifadəsi ilə bağlı bütün sanksiyaları qeyri-konstitusion elan edib.

İddiaçılar bildiriblər ki, marixuanadan istifadə şəxsiyyətin azad inkişafı ilə bağlı hüququdur və marixuanadan ziyan yalnız onu istifadə edən şəxsə dəyə bilər və bununla bağlı məsuliyyəti həmin şəxs daşıyır.

 Qərarı şərh edən Z. Caparidze bildirib ki, Gürcüstanda marixuanadan istifadə tam leqallaşdırılıb: “Məhkəmənin bu qərarı ilə Gürcüstan daha azad ölkəyə çevrildi. Marixuanadan istifadəyə görə inzibati cəzalar ləğv olunub. Artıq marixuanadan istifadəyə görə Gürcüstanda heç kəs cəzalandırıla bilməz”.
A24.Az
SİZİN REKLAMINIZ BURADA

(336x280px)

ƏLAQƏ: +994 70 507 77 00