Gürcüstanın baş naziri istefa verməyəcəyini bildirdi

Gürcüstanın baş naziri istefa verməyəcəyini bildirdi
Want create site? Find Free WordPress Themes and plugins.

Gürcüstanın baş naziri Giorgi Kvirikaşvili istefa verməyəcəyini bildirib.

“A24.az”ın APA-ya istinadən verdiyi məlumata əsasən, bu barədə baş nazir keçirdiyi xüsusi brifinqdə deyib.

Baş nazir qeyd edib ki, onun istefası üçün vəziyyət yetişməyib.

Kvirikaşvili bildirib ki, səhər tezdən yeniyetmələrin qətli ilə bağlı istintaq Baş prokurorluqdan Daxili İşlər Nazirliyinə qaytarılacaq: “İstintaqa daxili işlər naziri Giorgi Qaxariya rəhbərlik edəcək”.

Tbilisidə parlament binası qarşısında kütləvi aksiya davam edir.

Qeyd edək ki, Tbilisidə Gürcüstan parlamentinin binası qarşısında kütləvi aksiya keçirilir.

Aksiya iştirakçıları ötən ilin dekabrında Tbilisidə qətlə yetirilən iki məktəblinin qatillərinin cəzalandırılmasını tələb edirlər.

“Məni qətlə yetirmə” şüarlı aksiya öncə Baş prokurorluğun qarşısında Tbilisi şəhər məhkəməsinin yeniyetmələrin qətli ilə bağlı iş üzrə qərarından sonra keçirilib. Baş prokuror İrakli Şotadzenin istefasından sonra aksiya iştirakçıları parlamentin binası qarşısına doğru yürüş ediblər.

Qeyd edək ki, ötən ilin dekabrın 1-də Tbilisinin 51 saylı məktəbinin şagirdləri 16 yaşlı David Saralidze və Levan Dadunaşvili Xorava küçəsində mübahisə zamanı ölümcül bıçaq yaraları alıblar. Polis insidentdə şübhəli bilinən 2 yeniyetməni saxlayıb. Tbilisi şəhər məhkəməsi ötən gün təqsirləndirilən şəxsləri qismən təqsirli hesab edib.

Did you find apk for android? You can find new Free Android Games and apps.
 
Son Dəqiqə, Dünya
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar