Hacı Əliyev: “Dördüncü dəfə dünya çempionu olmaq istəyirəm”

Hacı Əliyev: “Dördüncü dəfə dünya çempionu olmaq istəyirəm”
Want create site? Find Free WordPress Themes and plugins.

Bir neçə gündən sonra beynəlxalq turnirdə iştirak etmək üçün Belarusa yola düşəcəyik. Əsas hədəfimiz oktyabrın sonlarında Macarıstanda keçiriləcək dünya çempionatıdır. Dördüncü dəfə dünya çempionu olmaq istəyirəm. Bu dəfə titul qazanmaq daha çətin olacaq. Çünki əvvəllər 61 kiloqram çəki dərəcəsində çıxış edirdim. İndi isə 65 kiloqramda güləşirəm. Yeni, güclü rəqiblər var. Amma əlimdən gələni edəcəyəm ki, yenə dünyanın ən güclü güləşçisi olum.

A24.Az xəbər verir ki, bunu sərbəst güləş üzrə yığmamızın üzvü, üçqat dünya çempionu Hacı Əliyev jurnalistlərə müsahibəsində deyib.

Titullu pəhləvanımız heç bir rəqibdən çəkinmədiyini də deyib: “Bütün rusiyalı güləşçilər güclüdür. Lakin heç bir rəqibdən çəkinmirəm. İstənilən güləşçi ilə qarşılaşmağa hazıram. Qalib gəlmək üçün əlimdən gələni edəcəyəm. Türkiyə yığması ilə birgə təlim-məşq toplanışında fəndlərimi gizlətməyə çalışmıram. Onsuz da rəqiblər yarışlardakı görüntülərimi izləyir. Əksinə, məşqlərdə sevimli fəndlərimdən daha çox və daha sürətli istifadə etməyə çalışıram”.

Did you find apk for android? You can find new Free Android Games and apps.
 
İdman
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar