A24 Xeber

“Heydər” məscidinin axundu: “Novruz bayramının qeyd olunması İslam dininə zidd deyil”

“Heydər” məscidinin axundu: “Novruz bayramının qeyd olunması İslam dininə zidd deyil”
624
18 Mart 2017 - 16:10

“Novruz bayramının qeyd olunması İslam dininə zidd deyil və dindarlar da xalqımızın milli bayramından kənarda qalmır”.

A24.Az “Report”a istinadla xəbər verir ki, bunu “Heydər” məscidinin axundu Rüfət Qarayev deyib.
Onun sözlərinə görə, İslam dinində Qurban, Ramazan və bir də cümə günləri müsəlmanların bayramı kimi qeyd olunsa da, dinimiz hər bir millətin özünəməxsus adət-ənənələrinə, milli dəyərlərinə hörmətlə yanaşır: “Novruz bir sıra radikal qüvvələr tərəfindən bayram kimi qeyd olunmur. Amma xalqımızın milli bayramı dindarlar tərəfindən də qeyd olunur.

Novruz Azərbaycan xalqının əsrlərdən bəri gələn milli bayramıdır. Eyni zamanda, Novruz adətləri özündə bir sıra mənəvi dəyərləri əks etdirir. Bunlar böyüklərə ehtiram göstərmək, uşaqları sevindirmək, qohumları ziyarət etmək, hədiyyələşmək və s. kimi bir çox amillərdir. Bu baxımdan Novruzu müsəlmanlar da qeyd edir”.

R.Qarayev qeyd edib ki, İslam sadəcə Novruz bayramında yol verilən bəzi xurafat xarakterli əməllərin əleyhinədir.

SİZİN REKLAMINIZ BURADA

(336x280px)

ƏLAQƏ: +994 70 507 77 00