A24 Xeber

İslam Oyunlarında bu xəstəxanalar tibbi yardım göstərəcək – SİYAHI

İslam Oyunlarında bu xəstəxanalar tibbi yardım göstərəcək – SİYAHI
680
28 Mart 2017 - 12:28

Azərbaycan prezidentinin 18 sentyabr 2015-ci il tarixli “IV İslam Həmrəyliyi Oyunlarının 2017-ci ildə Bakı şəhərində keçirilməsi üzrə Təşkilat Komitəsinin yaradılması haqqında” sərəncamının icrası məqsədi ilə səhiyyə naziri Oqtay Şirəliyev əmr imzalayıb.
A24.Az xəbər verir ki, Səhiyyə Nazirliyinin mətbuat xidmətindən verilən məlumata görə, “2017-ci ildə Bakı şəhərində keçiriləcək IV İslam Həmrəyliyi Oyunlarının tibbi təminatı barədə” imzalanmış əmrə əsasən Səhiyyə Nazirliyində Təşkilat Komitəsi yaradılacaq.

Əmrlə səlahiyyətli şöbə rəhbərlərinə yarış iştirakçılarına və qonaqlara keyfiyyətli tibbi yardımın göstərilməsi məqsədi ilə Bakı şəhəri Klinik Tibbi Mərkəzinin, Bakı Sağlamlıq Mərkəzinin müəyyənləşdirilməsi, zəruri tibbi avadanlıqlar, dərman və tibbi ləvazimatlarla, həmçinin laborator diaqnostikumlarla təmin olunması, müvafiq tibbi kadrların peşəkarlığın artırılması istiqamətində təlimlərə cəlb etmək, iştirakçı dövlətlərin nümayəndə heyətləri üçün ayrılacaq yaşayış və iaşə müəssisələrində sanitariya-gigiyenik qaydaların nəzarətə götürülməsi kimi tapşırıqlar verilib.

OXŞAR XƏBƏRLƏR
SİZİN REKLAMINIZ BURADA

(336x280px)

ƏLAQƏ: +994 70 507 77 00