İsti havaların fəsadlarından maksimum necə qorunmaq olar?

İsti havaların fəsadlarından maksimum necə qorunmaq olar?
Want create site? Find Free WordPress Themes and plugins.

Son günlərdə Naxçıvanda havalar isti keçir. Hava proqnozlarına görə, bundan sonra da isti havalar bir neçə gün davam edəcək.

Havaların həddən artıq isti keçməsi halsızlıq, nəfəs darlığı kimi problemlərə yol açır. 

A24.Az isti havalarda sərinləməyin bir neçə üsulunu təqdim edir.

Yodlu duz istifadə edin

İsti havalarda tərlə birlikdə bədəndə olan duzlar da xaric olur. Duz azlığı halsızlıq, mənfi hallar yarada, yaxud təzyiqi aşağı sala bilər. Bunun qarşısını almaq üçün ilk növbədə yodlu duz istifadə edin.
Gündəlik 2-3 litr su üçün

Bədən susuz qalanda əl-ayaq şişir. Bunun qarşısını almaq üçün maye istehlakını artırın. Daha çox sərinləmək və detoks təsiri yaratmaq üçün su şüşəsinə gecədən nanə, cəfəri kimi orqanizmi rahatladan bitkilər əlavə edin.
Günəşin çıxdığı saatlara diqqət edin

Günəşin insan orqanizmi üçün riskli olduğu saatlarda təcili deyilsə, çölə çıxmayın. Çünki hədsiz istilərdə beyinə qan sızması təhlükəsi yaranır. Əgər evdən mütləq çıxmalısınızsa, onda şlyapa geyinin, günəş kremi çəkin. Əks halda günəş yanığı yarana bilər.
Açıq rəngli geyimlərə üstünlük verin

Dəb haqqında məlumatları olanlar yaxşı bilirlər ki, dizaynerlər yay aylarında açıq rəngli geyimlər təklif edirlər. Belə geyimlər günəş şüalarını itələyir, tünd rəng geyimlər isə, əksinə, şüaları özünə tərəf çəkir.
Krem istifadə edin

İsti havalarda tərləmə bədənin müxtəlif nahiyələrində qızartıya səbəb olur. Bunun qarşısını almaq üçün uşaq kremindən istifadə edin.
Yeməkdən sonra suya girməyin

Yeməkdən dərhal sonra dənizə, hovuza daxil olmayın və ya yürüşə çıxmayın. Çünki bu zaman həzm çətinləşir, təzyiq isə yuxarı qalxır. Yeməkdən sonra ən az 10 dəqiqə dincəlin. Daha sonra isə hərəkət edin.
Yağlı yeməklərdən çəkinin

Lahmacun, kabab, dolma, paxlava kimi həddindən artıq yağlı və şəkərli yeməklərdən uzaq durmalısınız. İsti havalarda belə yeməklərin zərərli təsirləri daha da artır, halsızlıq, nəfəs darlığı kimi problemlərə yol açır.

Did you find apk for android? You can find new Free Android Games and apps.
 
Manşet
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar