Koçaryanın hansı istintaq təcridxanasında saxlanıldığı məlum oldu

Koçaryanın hansı istintaq təcridxanasında saxlanıldığı məlum oldu
Want create site? Find Free WordPress Themes and plugins.

Ötən axşam həbs olunan Ermənistanın keçmiş prezidenti Robert Koçaryanın hansı istintaq təcridxanasında saxlanıldığı məlum olub.

Sabiq dövlət başçısı Ədliyyə Nazirliyinin “Yerevan-Kentron” penitensiar müəssisəsində saxlanılır.

Ermənistanın ombudsmanı Arman Tatoyan iyulun 28-də R.Koçaryana baş çəkib. O, sabiq prezidentlə söhbət edib, saxlanma şəraiti və rəftarla bağlı şikayətinin olub-olmadığını soruşub. Eks-prezident ciddi şikayətinin olmadığını söyləyib.

R.Koçaryan bir sıra məsələlər qaldırıb. Ombudsman isə həmin məsələləri penitensiar müəssisənin rəhbərliyinə çatdırıb. Rəhbərlik isə sabiq dövlət başçısının qaldırdığı məsələləri həll edib.

Qeyd edək ki, iyulun 28-də paytaxt Yerevanın Şenqavit Rayon Məhkəməsi Ermənistanın keçmiş prezidenti Robert Koçaryan barəsində həbs qətimkan tədbiri seçib. Ona qarşı 2008-ci il martın 1-dəki hadisələrə dair cinayət işi çərçivəsində ölkənin konstitusion quruluşunu devirməsi ittihamı irəli sürülüb.

Xatırladaq ki, R.Koçaryan 1999-2008-ci illərdə Ermənistan prezidenti olub. //report

Did you find apk for android? You can find new Free Android Games and apps.
 
Dünya, Siyasət
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar