Media ekspertindən Siyavuş Novruzova CAVAB: "Düşünülmədən edilmiş təklifdir"

Media ekspertindən Siyavuş Novruzova CAVAB: “Düşünülmədən edilmiş təklifdir”
Want create site? Find Free WordPress Themes and plugins.

Bu gün Milli Məclisin yaz sessiyasının növbəti plenar iclası keçirilib. Martın 7-də keçirilən plenar iclasın təxirə salınan ikinci hissəsi öz işinə başlayıb.

A24.Az xəbər verir ki, Milli Məclisin İctimai birliklər və dini qurumlar komitəsinin sədri Siyavuş Novruzov parlamentin iclasında “İnformasiya, informasiyalaşdırma və informasiyanın mühafizəsi haqqında” qanun layihəsinin müzakirəsi zamanı bildirib ki, sosial şəbəkələrdə şərh yazmaq üçün şəxsiyyət vəsiqəsi tələb olunsun:

Siyavuş Novruzov
Siyavuş Novruzov

“Ölkəmizdə internet tam şəkildə azaddır. İstənilən adam istədiyini təhqir edir, başa düşmür ki, bunu hər kəs oxuyur. Saxta profil açıb istədiyi fikri yazır. Burada məsuliyyət müəyyənləşdirilməlidir. Xaricdə hər hansı bir portal yaradıb, Azərbaycanın ordusu, əsgəri ilə bağlı yazılar yazırlar. Sonra ordan o xəbərləri götürüb verənlər var. Görürsən ki, onlar hansısa bir formada ölkədən qaçanlardır. Bu informasiyalar cəmiyyətə təsir edir”.

Məsələyə münasibət bildirən media eksperti Zeynal Məmmədli A24.Az-a açıqlamasında, sosial şəbəkədə şərh yazmaq üçün şəxsiyyət vəsiqəsinin tələb edilməsinin ifadə azadlığına böyük bir zərbə olacağını vurğulayıb:

Zeynal Məmmədli
Zeynal Məmmədli

“21-ci əsrdə bu tipli təklifləri xüsusilə Milli Məclisdə bəlli bir nüfuzu olan şəxsin söyləməsini ona yaraşdırmıram. Mən başa düşürəm ki, bu təklif xoş niyyətlə edilib. Ölkəyə qarşı təxribatların, yalan informasiyaların qarşısının alınması və s. Bunu anlayıram. Amma bundan istifadə edib, qorxu mühiti yaradarlar. Hər bir insan öz fikrini ifadə etməkdən çəkinəcək. Açıq deyək ki, hazırda öz adı ilə bəlli bir məsələləri ifadə edənlər var. Ancaq şəxsiyyət vəsiqəsi tələb olunarsa, onların da sayı kifayət qədər azalacaq. Onsuz da Azərbaycanda bunların sayı azdır. Ancaq getdikcə lap çox azalacaq. Yəni bu ifadə azadlığına böyük bir zərbə olar”.

Ekspert bildirib ki, bu cür təklifləri verəndə gələcəkdə hansı fəsadlar törədəcəyini mütləq nəzərə almaq lazımdır. Bir ziyanın qarşısını almaq üçün daha böyük ziyanlara girməməlidirlər. Hesab edirəm ki, düşünülmədən edilən bir təklif olub”.

Orxan Aslanlı, A24.Az

Did you find apk for android? You can find new Free Android Games and apps.
 
Manşet, Gündəm, Banner
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar