A24 Xeber

Müsəlman qız ABŞ-ın ilk hicablı xəbər aparıcısı oldu – FOTO

Müsəlman qız ABŞ-ın ilk hicablı xəbər aparıcısı oldu – FOTO
63
27 Mart 2018 - 12:03

Amerikanın İllinoys və Ayova əyalətində, yerli kanallardan birində xəbər aparıcısı olan Rahman ölkənin ilk tam hicablı xəbər spikeri olub.

“A24.az” bildirir ki, Amerika mediasında yer alan xəbərə görə, ABŞ-ın İllinoys əyalətində fəaliyyət göstərən WHBF adlı yerli televiziya kanalı hicablı xəbər aparıcısına ev sahibliyi etməyə başlayıb.

İki ildən çoxdur eyni kanalda müxbir olaraq işləyən 27 yaşlı Tahera Rahmanın anası Hindistan, atası isə Pakistan əsillidir. Rahmanın isə Çikaqoda doğulduğu bildirilir.

Kanalın müdiri fevral ayının 8-də ilk dəfə canlı yayıma çıxan Rahmanın son dərəcə bacarıqlı olduğunu və ondan hicabını çıxarmaq barədə heç düşünmədiyini açıqlayıb.

Çikaqo Loyola Universitetinin Jurnalistika fakultəsində təhsil olan Rahman isə mediada işləməyi çox sevdiyini və bir müsəlman olaraq işində uğur qazanmaq istədiyini deyib.

Qeyd edək ki, ABŞ-da Donald Tramp prezidentlik kürsüsünə gələndən sonra ölkədə islamofobik hücumlar və müsəlmanları hədəf alan nifrət dolu münasibətlər artıb. Belə bir vaxtda Rahmanın uğuru bölgədə yaşayan müsəlmanlar üçün qürur qaynağı olub.

Firuzə Alimova / A24.az

SİZİN REKLAMINIZ BURADA

(336x280px)

ƏLAQƏ: +994 70 507 77 00