A24 Xeber

Ölkədən qanusuz olaraq külli miqdarda dollar çıxarmağa çalışdı

Ölkədən qanusuz olaraq külli miqdarda dollar çıxarmağa çalışdı
559
07 Mart 2017 - 18:22

Hava Nəqliyyatında Baş Gömrük İdarəsinin əməkdaşları külli miqdarda xarici valyutanın ölkənin gömrük sərhədindən gömrük nəzarətindən gizlətməklə keçirilməsinə cəhdin qarşısını alıblar.

Dövlət Gömrük Komitəsindən A24.Az-a verilən məlumata görə, Bakı-Moskva aviareysi ilə getmək istəyən Rusiya vətəndaşı “Yaşıl kanal” buraxılış sistemindən istifadə etməklə gömrük nəzarətindən keçib, lakin əl çantası rentgen aparatından keçirilərkən çantada pul əsginaslarının olması barədə şübhə yaranıb. Vətəndaş saxlanılaraq, həm əl çantasında, həm də üzərində şəxsi yoxlama aparılması üçün yoxlama otağına dəvət olunub.

Təkrar yoxlama zamanı əl çantasındakı ayaqqabının içində falqaya bükülmüş 100 ədəd – hər biri 100 dollar nominalında pul əsginasları olmaqla, cəmi 10 min dollar aşkar edilib. Çantada olan kofe paketinin içində isə kofe dənəciklərinin arasında falqaya bükülmüş 400 ədəd – hər biri 100 dollar nominalında pul əsginasları olmaqla, cəmi 40 min dollar aşkar olunub.

Şəxsi yoxlama zamanı isə vətəndaşın şalvarının cibində 13 ədəd – hər biri 100 dollar, 2 ədəd – hər biri 50 dollar, 2 ədəd – hər biri 20 dollar nominalında pul əsginasları olmaqla, cəmi 1 440 dolları aşkar edilib.

Faktla bağlı araşdırma aparılır.

OXŞAR XƏBƏRLƏR
SİZİN REKLAMINIZ BURADA

(336x280px)

ƏLAQƏ: +994 70 507 77 00