Ölkəmizdə ilansancmanın ƏN ÇOX YAŞANDIĞI yerlər

Ölkəmizdə ilansancmanın ƏN ÇOX YAŞANDIĞI yerlər
Want create site? Find Free WordPress Themes and plugins.

Azərbaycanda ilansancma ilə bağlı xəstəxanaya müraciətlər daha çox Şirvan şəhəri və Hacıqabul, Yevlax, Bərdə, Kürdəmir, Qəbələ rayonlarından daxil olur.

A24.Az xəbər verir ki, Bunu Trend-ə Səhiyyə Nazirliyinin Kliniki Tibbi Mərkəzin Toksikologiya şöbəsinin müdiri Azər Maqsudov deyib.

İlansancma hallarının adətən, aprel ayından başlayaraq müşahidə edildiyini nəzərə çatdıran A.Maqsudovun sözlərinə görə, builki mövsümdə ilan sancan şəxslərin sayı ötənilki mövsümə nisbətən artıb. Ötən il aprelin əvvəlindən iyunun sonunadək cəmi 36 nəfər ilansancma şikayəti ilə mərkəzə müraciət etdiyi halda, bu il qeyd edilən müddətdə həmin şikayətlə mərkəzə müraciət edənlərin sayı 42 nəfər olub.

Şöbə müdiri əlavə edib ki, bu il ilan sancan şəxslərin 8-nin vəziyyəti ağır qiymətləndirilib. İlansancma ilə müraciət edənlərin 6-sı uşaq olub. İlan sancmasından ölüm halları qeydə alınmayıb.

A.Maqsudov Azərbaycanda insanları daha çox gürzə ilanının sancdığını söyləyib.

İlanların insanları daha çox ayağından sancdığını deyən A.Maqsudov qeyd edib ki, digər ilanlarla müqayisədə gürzə ilanının sancması insan üçün daha zərərlidir və onun fəsadları daha çox ola bilər:

“Bu ilanın sancmasından sonra orqanizmin sağalması üçün daha çox zaman lazım olur. Eyni zamanda, ilan sancdıqdan sonra onun fəsadları müəyyən müddət ərzində orqanizmdə qalır. Xəstə mərkəzdə müalicə olunduğu dövrdə ilan zəhərinin daxili orqanlara təsirini minimuma endirmək üçün lazımi tədbirlər görülsə də, onda müqavimətin zəifləməsi, vətərlərdə hərəkətsizlik kimi hallar müşahidə edilir. Xəstədə bu dövrün nə qədər davam etdiyini konkret söyləmək mümkün deyil. Çünki bu, individualdır. Bəzi şəxslərdə orqanizmin müqavimətinin zəif olması, vətərdə hərəkətsizlik kimi hallar 2-3 ay, bəzilərində isə yarım il müşahidə edilir”.

Did you find apk for android? You can find new Free Android Games and apps.
 
Hadisə, Sağlamlıq
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar