A24 Xeber

Ölkəmizdə tomoqrafiya üzrə 14 stansiya quraşdırılacaq

Ölkəmizdə tomoqrafiya üzrə 14 stansiya quraşdırılacaq
35
17 Aprel 2018 - 11:37

Azərbaycan və ABŞ seysmoloqlarının birgə işi olan “Qafqaz kəsilişi” layihəsi çərçivəsində işlər davam etdirilir. 

A24.Az Reporta istinadən xəbər verir ki, Bu barədə AMEA nəzdində Respublika Seysmoloji Xidmət Mərkəzinin İnformasiya şöbəsindən məlumat verilib.

Məlumata görə, bununla bağlı Bakıya səfər edən amerikalı seysmoloqlar – Missuri Universitetinin professoru Erik Sandvol, Miçiqan Dövlət Universitetinin geoloji elmlər şöbəsinin seysmoloji laboratoriyasının baş mühəndisi Daniel Burk , Missuri Universitetinin elmi işçisi Utku Koçum və AMEA nəzdində Respublika Seysmoloji Xidmət Mərkəzinin “Episentral” şöbəsinin müdiri Hidayət Tahirov, AMEA nəzdində Respublika Seysmoloji Xidmət Mərkəzinin “Beynəlxalq əlaqələr” şöbəsinin müdiri Telman Cəfərovun iştirakı ilə Hacıqabul, Neftçala, Göyçay və Qusar rayonlarında əvvəlcədən yerləşdirilmiş 4 stansiyada texniki yenilənmə işləri aparılıb.

Həmçinin həmin stansiyaların məlumatları emal üçün toplanıb. Bununla yanaşı bu ilin avqust ayında İsmayıllı, Quba, və Qusar rayonlarından keçən profil üzrə yerləşdiriləcək daha 14 stansiyanın yerləri müəyyən edilib.

Qeyd edək ki, “Qafqaz kəsilişi” layihəsi həyata keçirilməyə başlayıb. Layihənin həyata keçirilməsində məqsəd Azərbaycan ərazisində seysmotomoqrafiya işləri aparmaqdır.

OXŞAR XƏBƏRLƏR
SİZİN REKLAMINIZ BURADA

(336x280px)

ƏLAQƏ: +994 70 507 77 00